維修洗衣機 - Ans.fyi 參考答案

維修洗衣機

[匿名]

2010-10-07 1:41 am

豐澤牌洗衣機, 只用了10多個月, 上次開機時, 盞door燈亮著, 全機停止操作, 好明顯度門個開關掣有問題, 但揭開頂蓋, 用他表量度個掣後發覺個掣完全冇反應, 好似死咗....冇計, 可能要更換門掣, 所以最後call维修。

好彩仲有保養, 維修師父上來望了一望, 話冇事, 只是按錯掣, 三兩下手勢, 唔駛5分鐘已搞掂, 已可重新開機......可惜我當時唔在場, 失了個學習機會。

我之前冇將門掣的電線鬆甩便用他表量度個掣, (因為位置狹窄做唔到), 可能其他線路將門掣load死, 原來一場誤會。

依家架機又好地地, 但我都好想知佢曾經發生過乜事, 以免歴史重演又死機。請各方專家賜教, 無言感激 !!

回答 (1)

2010-10-07 6:27 pm

✔ 最佳答案

好簡單，師傅已經答左你：

維修師父上來望了一望, 話冇事, 只是按錯掣, 三兩下手勢, 唔駛5分鐘已搞掂。

現今的好多家電都係行電子程式設計，功能隱藏於某某程序入面，想清楚所有功能的操作，還需詳細看使用說明書。就好像手機操作一樣，一層層入去才找到某某功能。

家電有時還要一些特別動作，洗衣機都會用上，就係按掣手勢，分長按 5 秒 ( Reset program ) 或短按一下的分別，有不同的功用。

話時話，有時真係比佢玩殘。

👍 1 👎 1