韓國滑雪要準備d咩?

要預備防水雪褲及雪褸, 滑雪專用眼鏡. 滑雪用具去到滑雪場可以借用, 但係如果係唔係經常滑雪唔想買雪褲及雪褸的話, 亦都可以借的, 但係去報團時要問清楚, 因為我上次跟團去, 借雪褲/雪褸是預早一晚去另一間服裝店借, 第2日才去滑雪場.
P.S.: 服裝店借出的雪褲/雪褸好新好乾淨...唔駛怕架. 如果想自己擁有一套, 去到服裝店都可以買.

跟團可以考慮東X遊...雖然佢地專做日本團, 但係韓國團都唔錯. 千祈唔好跟中旅....之前跟過中旅去韓國, 結果發生了類似導遊阿珍既事件...全團人都十分不愉快攪到好谷氣.

換WON可以去銀行換, 但你如果你地第一日導遊會帶你地去一間賭場既話....賭場換WON會抵D. 報團時問下會唔會帶你地去果度換WON.

穿著衣服方面:
要帶羽絨褸, 因為街道上會好凍. 入面既衫最好係以容易除落黎為主, 因為韓國規定所有室內地方包括: 餐廳/酒店/旅遊車...等..如果氣溫低過某一個度數就要開暖氣, 有時入到室內地方有機會熱到要去洗手間除一件的落黎(我去的時候唔計外褸穿了3件衫保暖,熱的話都可以有得除)