寵物店買銀狐狗+養狗問題

1. 咁到底宜家係唔係可以安心D買? 定係情況都仲係好似以前咁嚴重?
建議你去有30日保證個d地方買~一般狗狗如果有狗瘟/腸炎7日左右返到你屋企就見到~因為狗狗轉左新環境抵抗力下降就會發病
p.s: 如果你唔小心買左隻病狗~建議半年內唔好養未打齊針既bb狗;狗瘟/腸炎可以係你屋企留半年之久~未打齊針的狗好易再"奶野"


2. 定係都係上forum搵住家買果D好D? (不過好似冇咩人有銀狐)
你都可以去搵下~不過必須清楚狗狗父母既身體/環境等等狀況(例:有冇雜溝?居住環境?)最好由出生可以睇到佢戒奶返屋企就最好不過


3. 去過好多領養網同愛護動物協會都冇銀狐...同埋就算有都冇D幾個月大..點好?
可以領養的都多數是被人棄養~好少得幾個月大~有幾個月大個d~話叫"領養"都要比領養費幾千蚊啦


4. 個價錢合理嗎? (for pet only)
差不多啦~除非你要係好純種出賽個d就當然唔止啦~


5. 另外, 我想話我屋企地下會有D電腦電線, 落地窗簾呀果D...如果買左佢番黎, 佢會唔會冇人見到佢果時/夜晚果時狂咬, 咬爛哂?
狗bb好曳~有機會咬你d電線~拖鞋~因為牙痕既關係~乜都會咬~你可以買d玩具比佢咬下~如果見到佢咬電線就要鬧佢~不過最好你自己可以收拾一下啦~


最後小狗係好需要主人既愛護同教導~當你買左佢落黎佢就呢一世都跟住你~到時問題就唔會只係得個幾條~生老病死都係你手上~希望你買左佢返黎之後會好好關心佢同教導佢~^^

養狗前一定要想清楚, 因為你買左返來就要照顧佢一世, 唔好嫌佢麻煩, 養養下又話唔要.
1. 黑店一定仍然有存在, 你最好去一d信譽好嘅寵物店買咁就唔使咁擔心.
2. 其實買寵物無話邊道買會好d, 睇下你遇唔遇到個好人賣比你.
3. 其實領養都幾好嫁, 因為有人話無人領養嘅寵物有機會人道毀滅.
4. 價錢是你自己覺得值唔值, 有人會用2十幾萬買隻德國狼狗, 你話值唔值,
最緊要係你同狗狗有無眼緣, 如果你第1眼見到就鍾意, 唔好計較幾多錢,
總之你負擔得起就ok啦
5. 我之前養過古代牧羊同混種唐狗, 古代就唔咬野, 隻唐狗就鍾意咬鞋, 試過隻
涼鞋比佢咬開兩節, 而家養嘅西施最初買返來好鍾意咬木餐椅腳, 後來就
鍾意食紙巾, 而家14歲都會咬紙巾,不過其他野就唔會咬. 如果狗狗最初買
返來細細個時咬野就要打佢, 等佢知道唔可以, d狗好醒嫁知道做錯會比人
打, 你打佢佢下次就唔敢啦.