番左新學校...好唔開心!問下大家意見.謝

如果你係打從心底抗拒呢間學校,
冇人可以幫到你,
就算你退學、轉校都係一樣,
因為你以前係band 1學校,
係叻慣既人, 被人讚既人,
突然去左一間band 3既學校,
你睇唔起間學校之餘亦都睇唔起自己,
你心入面一直覺得呢間學校差,
呢間學校咩都唔好,
當初點解會考左入一間咁既學校.
你一直保持咁既諗法,
你永遠都唔開心,
就算你畢業之後,
你都會覺得呢一段時間係人生既灰暗時期.
既然你都入左呢間學校咯,
點解唔接受呢間學校?
以開放既心情去認識朋友,
既然你係band 1 轉過黎,
你好應該努力, 喺呢間學校考到好成績,
做呢間學校既模範學生對你黎講應該唔難,
只要你改變想法,
唔好一味覺得呢間學校唔好,
好自然你就會讀得開心,
話唔定會成為你人生中最火輝既一段時間.

其實係你自己睇唔開姐，一間band 3學校的中六生，絕大部份同學都係來自其他學校(因為間學校本身d學生太差升到中六的只有少數)，好多都係名校學生添，人人都係因為考得唔好先迫住讀呢d學校架啦，無問題喎，大家只係志在有地方讀中六考好alevel然後升大學咋嘛。預科日子好快過姐，你唔駛鍾意間學校架，你的目的係考好alevel啊，認清目標吧！你唔返學自動放棄呢個機會將來實後悔。

我預科都係去左間出哂名差的學校，間學校本身確實有些問題，學生亦有點壞，但自己班卻一點問題都無，學習氣氛仲好好添。

e-mail to me 講詳細d.
最主要是自尊問題,其實高年級讀書靠自己,讀band幾都無所謂.
是否你和同學相處格格不入?