相機DSLR入門同中階有咩分別

入門機跟中階機除咗用料外,最大分別係對難度題材既可靠性同把握能力.至於畫質反而唔會好大分別.
例如D7000係鎂合金機身,耐用堅固,不過都有人認為重係一個缺點.但係如果你日後購入大型鏡頭,咁機身堅固啲始終好啲.入門機多數只係塑膠機身.
觀景窗方面,中階機多會用五稜鏡,比入門機的鏡箱較光亮,有利手動對焦.例如影微距就會好有用.
來到分別最大的就係對焦及連拍.中階機會多啲十字型對焦點,入門機通常只有中間一點係十字,其他點只係單線型,十字型既敏感度係單線型既三倍,即係較準較快,當你要影一啲動態題材或者極淺景深時唔可以下下用中央對焦點對完焦再構圖就會好有用.
連拍快有助在動態題材時影啱你要嗰一刻,例如打藍球啱啱入樽嗰下.
閃燈同步亦可能有分別,中階機多數快啲,這個速度越快越能在強光下用閃光燈時加大光圈,有利淺景深及加強閃燈有效距離.
其實如果預算充足,絶對係中階機好.嗰小小重量差別我覺得其實好小問題,好多長焦距,大光圈鏡頭仲重過部機.
用中階機初學絶對冇問題,中階機一定得心應手過初階機,問題係如果你唔學習既話.佢比初階機多咗既優點就擺係度浪費咗咁解.
不過你有冇需要影難度題材呢?如果只係影下靜態題材或者生活相等,咁留翻啲錢買鏡頭似乎實際啲.