✔ 最佳答案
小弟用中文回應。係人都知FW-190係一架非常優秀既戰鬥機，不過據我所知，佢既好只係相對於較早期設計既戰鬥機，如德國空軍既Me-109、蘇聯早期既戰鬥機、美國P-40等戰機而言。FW-190有一個非常好既氣動外形，其他數據如速度，轉彎半徑睇落亦唔係差，而且德軍有幾個王牌飛行員渣FW-190出戰都有超過250次勝利。不過，雖然我幾乎肯定FW-190及野馬之間一定有對戰過，但小弟真係無聽過兩者間既戰鬥，更無聽過FW-190對野馬有明顯優勢。
野馬係一架劃時代既戰鬥機，可以話係螺旋槳推進戰鬥最顛峰之作，因為佢既速度及航程都非比尋常，野馬甚至可以為戰略轟炸機護航，FW-190對佢無明顯優勢。由於我對佢兩架機既對戰資料知道不多，所以好難話邊個好啲，不過我個人始終覺得野馬較優秀，原因係我覺得佢既設計明顯比FW-190更緊緻，而野馬有一個以後係噴射戰機先至有既大進氣口，証明野馬既引擎實在係非比尋常既強力。
2010-10-04 20:39:22 補充：
等小弟補充下。據我所知，無論轟炸德國及日本既重轟炸機，主要都由野馬護航，我亦聽過有P-47護航。野馬應該同FW-190打過唔少次，因為歐洲美軍飛行員經常埋怨FW-190與P-47外形非常相似，都係個頭好大，係遠處好難分辨。由此證明歐洲美軍飛行員經常都會遇到FW-190，所以野馬自然有多次機會與之對戰。只係由於我對兩者間既交戰紀錄真係唔熟，所以無從比較兩者既優劣。
