334學生,大學選邊科好?

而家大學畢業生無可能一畢業就有行政主管或者CEO位你坐. 以前D人做CEO都係要由低及做起. 好多大公司都會請Management Trainee(MT), 人數多少視乎經濟及公司規模. 經濟好, 一間大銀行可以請20-30個, 但無要求你一定要BBA/Finance畢業, 之前有個讀英文系的畢業生入Citibank做MT, 有D大公司CEO唔係讀BBA出身, 到後期先讀個MBA. 不過, management trainee係幾難入, 不但有本地名牌大學生同你爭, 外國大學都有. 就算做到Management Trainee, 上唔上到位就真係靠你自己, 有D Management Trainee可以好快做到某個部門主管, 但有D真正上到位就真係好少.

工商管理範疇好廣, 例如會計、財務、人力資源、管理學、市場學等等. 就算你讀BBA並唔係主修會計, 都一定要學基本會計知識, 要學識睇盤數, 點樣做財務報表. 會計計數唔會好似理科工科D數學咁難. 你做CEO, 係一定要同股東交代. 股東問你點解公司業績咁差時, 你可唔可以話一句"我唔識睇公司盤數"就算數?

若果你既數學唔多好既話，咁好多科目都唔適合你。亦註定你冇機會成為會計師、精算師、建築師以及工程師等。
冇以為讀工商管理或者經濟學就唔需要數學，事實上一樣包含住一些數學科。所以你必須有足夠既數學底子，起碼中學既數學科要合格。唔係既話，你係大學裡修讀既學系就會好窄，例如﹕中文、英文、歷史、文學、其他語言係、考古什麼人民社會或社工系等。
恕我直言，志向高係好事。不過唔好一步登天，有幾多大學畢業生都揾唔到一份好工做…月薪甚至得幾千蚊都有。所以想做CEO？要有學歷+經驗+人事關係。因為有好多高級既職業都唔會請外來人，通常係屬人介紹架。(呢個世代好講人事關係架)
想以行政方向為目標，可以選擇工商管理或者商業、金融、經濟。