有朋友=無朋友?

好似同個個都有計傾 呢個就係你既問題所在
其實唔係人人都可以真係同每一個人都好熟好FD
好似面面俱圓 其實有時更加難識到一個比較熟既朋友
之餘又未必能夠真係兼顧到
有計傾 唔 表代係朋友
同學都係有計傾
最多可以話 佢地唔討厭你
所以我覺得佢地同你既關係 只係 同學

1.其實我比較建議你唔好咁廣泛交朋友
比較針對性會好啲
約佢地出黎 如果係一班人
其實你好難積起 你地既友誼
因為佢地對你既印象會少好多
不妨多啲 例如一對一 一對二 約佢地
愈人少 你了解佢地 同佢地了觸你既機會多好多
睇下佢地邊個原來同你最合
佢地其實屬於一個圈子
但圈子入面其實 係幾個圈子組成
唔一定係個個都好熟
可能 ABC熟 DEF熟 GHI熟 但C識D D又識G
大家就慢慢會合成一個大圈
其實你可能同一個比較熟
只要有活動 咁佢都希望會拉埋你一齊去

2.異性朋友
朋友 無論同性異性 其實都係 唔係你去識佢 就係佢去識你
想佢地黎識你 好現實
一係你好靚
二係你好得意
三係你好癲 玩得癲既人 可能令佢地覺得有趣 想結識
四係你好爽 不區小節 男仔通常會比較覺得可以做朋友 兄弟個種
五係你有共同興趣
如果你好靜 或者 講野無嘜特點 個性無咩特別 外表又普通 又真係無咩嗜好
坦白講都唔多男仔會突登黎識你
咁唯有你自己入手 但入手得黎
往往顯得好努力埋男仔堆既女仔都好大機會會引黎同性既不滿
呢點真係要好小心
除非你本身比人感覺真係大刺刺 非常豪爽既女仔(男仔頭 D既女仔
如果就可能會引黎一翻 你啲女同學既 陰謀論 攻擊你
想識男仔 不妨由身邊個個入手
坐你隔離個啲 因為唔需要好刻意行埋去撘嗲
如果你身邊男仔在傾計 留意下佢地通常傾啲嘜
無論男仔女仔都係 留意下人地圈子既話題 係好重要
唔想比人無視就一定要加入話題
無共同興趣 但人地又好多野同你講 無呢支歌仔唱
因為你地唔係識左幾十年 無咁多陳年舊屎拎返出黎傾 只可以由興趣入手
男仔的話 真係由興趣入手容易好多
例如 玩GAME 漫畫 足球之類一堆
如果唔係平時無LALA 點同佢傾計 唔通問佢食左飯未咩
頂多 米可以問下佢地功課 借下筆之類既小交流
男仔比較喜歡相處既模式都不外乎佢串下你 你串下佢
所以同佢地講野如果下下太禮貌俱謹 未必咁好玩 易熟

希望你找到你合適做朋友的人吧

先針對第1個難題：先問下 你平時有冇主動搵人出黎玩呢? 你話你冇咩嚐好 呢個可以係其中一個問題 最基本約人出黎睇戲 食飯 唱下k 你唔主動搵人 人地未必會做主動搵你

跟住詳細架啦 朋友只在學, 有=無??

約人 一係主動 一係被動 唔會朋友只在學校既 但係開始識既永遠會係學校囉(有d大膽d會係網上識囉 )你主動左之後 就係你平時點樣對人 簡簡單單細心 仔細 幫人拎野 傾計 搞gag 當人地對你既信心大左 就自自然然主動搵你

到第二：當你有好既人際關係 找到另一半既機會已經係多d

如果你堅持要識多d異性既 就要多d了解你身邊既異性朋友既性格係點 拿 講真句 個個唔同 好難可以好仔細咁講比你聽 但係離唔開呢幾樣 多d細心觀察下你身邊既異性朋友係點樣啦

[email protected] 我留個msn比你 你喜歡既隨時add我

你唔係無朋友,只不過你唔想主動搵人,但又希望人地多d主動搵你,咁是否你自己有d問題呢?
既然你同好多人都啱傾,假期都可以主動d約人出來玩呀!
因為人地唔知道你是否喜歡出去玩,以為你假期只喜歡匿埋屋企,如果你無向人表示喜歡同大家一齊玩,人地就想唔起約你的了!
做朋友當然是但有一個人做主動約人先可以一齊出去玩啦,點解你自己唔主動d呢?
就算你知道其他同學約埋一齊出去,如果大家都認識的,你都可以要求加入一齊玩呀!
你對男仔朋友都唔願主動約人,咁一定好難主動識女仔啦!
識女仔都一樣要順其自然,首先唔好理佢男仔女仔都係要對人親切友善,當好朋友咁有傾有講,其實男仔女仔都先要大家熟悉,如果對方都對你有興趣,就可以有機會約埋一齊食飯行街啦!

好難吾主動個喎,多d約fd出黎唱k,玩吓啦!

我其實都同你有差唔多既感受`
但係我本來唔係冇人約架..
只係我屋企人係咁困住我`
只係d非去不可既時候..先可以還我自由囉==
但係我都想俾d意見你..

你係學校盡量同d朋友傾多d囉=]
同佢地多d話題,,
等佢地多d認識你,,
等你同佢地熟d`

第2個方法,,同佢地交換下電話啊`
msn呀..fb呀..電話`
都ok架`
我都係咁既=]
有時打下俾佢地`
但係唔好日日囉=]
因為咁樣,,人地會覺得你好煩`

你既異性圈子...
點樣可以識多d...
其實我都唔係好知=]
我自己都唔可以話好受歡迎..
但係呢,,我就諗到一個方法=]
你應該有d朋友係同男仔好fd既`
咁你咪同佢地玩埋一堆囉..
等d男仔都留意你多d啊`
咁你又可以同d男仔傾下計=]

我覺得都ok啊`
你可以試下架`

多d同fd交換facebook，msn.
生活自然過得好d!!!!