同1歲小朋友去邊度旅行好

唔知你有幾多人陪你帶小朋友

建議近近地，我第一次帶小朋友去台灣，一來近唔洗飛咁耐，二來點都有野啱食，三來d人望落同香港人一樣、小朋友會多d安全感。有朋友試過帶小朋友去加拿大，上機2、3個鐘開始嘈，唔肯瞓唔肯食，四周d人比晒臉色佢地，好在溫哥華多唐人餐館，亞b有飯食，但係時差亞b瞓唔到，又扭計一定要抱住，朋友話去了兩星期好似受難。

除了台灣，新加坡和韓國我小朋友都鍾意。
台灣有個木柵動物園，就係捷運木柵站，好易到。又可以去淡水碼頭。
新加坡有環球影城，又有動物園
韓國就最好跟團，交通會放便d，有好多遊樂園小朋友會好開心。

帶小朋友外出，個人經驗要帶小朋友心愛玩具、食具、私家牙刷等。passports 影印2sets，1 set 放在香港家人處，1 set 放在酒店，如果不幸唔見了passports，有個copy可以比入境處幫忙，還有passport size 相幾張帶身邊，我還將passport + 相 scan了然後e-mail比自己，有需要時可以download用。