請琛明大師指點-2

所謂"財乃養命之源"，升斗市民唔係煩honey就煩money.......綜合回覆如下，妳可自行判斷....
1.妳屬殺破狼格，即戰鬥格，宜一切打併式事業(辛苦命)。文職要看性質，如每日番工打好似打仗咁嘅亦合格。如工作較固定或刻板，談不上戰鬥味就不合，較難有成就。

2.我唔熟悉化妝護膚品市場(算桃花行業)，亦唔知妳工作性質如何，只可以話如工作帶打併性質(例如較辛苦要前線傾銷作戰)算合命格，雖辛勞但較利發揮個人才能，但要成功仍然要看運，縱有本事亦唔一定賺大錢(我算命水平亦不在職業大師之下，但僅屬網上義工並無帶來分文收入)。反之如工作仍然算"非打併式"則仍然傾向成就不彰，餓唔死彈唔起.....

3.33歲前(虛齡)未逢旺運，意味工作及財運未如人意(怕且較高之薪金亦不易賺啊).....所以話債務難舒....但與是否值得轉行無直接關係，因為就算妳唔轉行，理論上33歲前都唔會太好境....(因具體未知妳債務情況，故實難斬釘截釘答妳可以清還幾多債項喎.....)

4.大師愚見，若果目下財政緊絀，如新工須自掏荷包買貨者，萬萬不可(皆因"信不得"也)，如受薪或加計佣金者方可考慮....如現在文職工作已屬打併性質，亦唔係一定要轉(但非桃花事業就要留意會增加感情爛桃花機會)。

5.未來幾年有咩方法揾多啲錢(還債)？係所有升斗市民都想知嘅問題，包括我在內，恕我無咩好提議，亦唔好相信有人可以替妳改運(風水尚有楊公救貧法，但只能救一時之貧，不能發達)，只可以比心機打併，把握機會，加油！大師同妳打氣！捱多幾年會好架勒！

唔可以咁易認輸！一定要攞番屬於自己嘅money, honey！！
琛明大師

2010-10-02 10:36:12 補充：
下星期可考慮6-10-2010(wed)巳時吉時(9:00-11:00a.m.)，祝馬到功成。