有關唔帶身份證落街最大範圍係幾多??

其實上, 法例並無講明在屋企幾多米範圍內無帶ID係唔犯法嘅.根據香港法例第115章<入境條例>第17(c)(1)條, 任何15歲或以上的人都有責任在公共地方攜帶及向指定執法人員 (警察, 入境處職員等) 出示分證明文件, 以供查閱. 任何人如未能按規定出示身分證明文件, 即屬犯罪. 所以基本上, 你一出街就要帶身分證明文件.但係, 在此法例第17(c)(3) 條中, 亦有講明 “被控人如能夠就未能出示身分證明文件一事提出合理辯解, 即可作為免責辯護.” 即係話, 如果你有合理解釋, 點解你唔帶身份証, 就可以唔使被告. 合理解釋可以係 “你諗住落街買公仔書, 即刻會番上屋企”. 落一落街時間短路程短, 唔帶都唔係問題, 差人有酌情權唔會告. 因為咁所以先至有呢個誤傳, 話 “幾米範圍內冇帶係唔犯法” 啫. 當然, 如你家住柴灣, 諗住去深井買隻燒鵝, 唔帶身分證明文件就當然唔得啦.