汽車車軑充氣問題

1500cc 車都有大車細車七人車兩門車, 唔同款車唔同重量又有唔同輪胎 size, 所以唔可以話所有 1500cc 車都打 30磅.User Manual 一定有寫你架車要打幾多磅氣. 如果User Manual 唔見咗, 以下其中一個位置一定會有張 Label 標明:打開門, 門柱位(可以係司機或乘客),
前座乘客抽屜,
打開入油油缸門蓋背面上面列明前後胎氣要打幾多. 仲有係label上面顯示嘅氣壓磅數係指凍胎時. 如果你揸架車出去揸半個鐘到都可以多三磅! 所以揸車出去泵胎時最好先泵多三磅, 到下次開車時再check先再adjust.最好一個月(至少)check 一次. 而隨住天氣轉變, 氣溫變化, 胎氣都會變 (每凍5~6度C左右就會自己低咗一磅).

2010-09-27 18:26:53 補充：
同意上面嗰位所講"可再按此而做微調去配合自己實際需要", 不過新手最好就唔好玩呢D平嘅 Tuning 住.
車廠本身係根據安全性, 懸掛設定, 乘座舒適度, 耗油量, 駕駛操控同輪胎損耗各方面考慮, 攞一個最佳嘅"妥協", 去訂下胎氣嘅數字
如果如上面所說, "發動的一對車軚多充2磅氣，同樣地也可在尾軚減2磅氣去改善車尾不夠「咬地」的問題", 如果架車係前輪驅動, 咁前面加2磅, 後面減2磅, 差距比原廠前後差四磅!前面抓地力低咗, 後面高咗, 就會將架車轉向不足(推頭)嘅情況加劇. 所以要小心對待.

2010-09-29 16:27:05 補充：
視乎咩車而矣. 唔係架架車都張張貼紙擺B柱. 我有幾架豐田就喺 Glove Box 入面, 已前架Audi A4 就喺油缸蓋後面, 有D係喺C柱.

不過都係嗰句, 說明書一定有寫

最簡單，睇返 B 柱有張貼紙，寫了軑氣打幾多磅

車軚充氣多少不是按幾多CC而定(1500CC 打30, 3000CC 打60乎?)，詳情應参閱汽車商的手冊。並可再按此而做微調去配合自己實際需要，如想部車好跑些，可在發動的一對車軚多充2磅氣，同樣地也可在尾軚減2磅氣去改善車尾不夠「咬地」的問題。 若你是用跑車軚，便不用這樣調了。