✔ 最佳答案
唔單止日本,東南亞好多國家都有 - 十二生肖 - 運程!! 而家全球都係西方影響下用咗西曆計算,但係每一個國家都仍然保持自己曆法,而日本係計算十二生肖方面,都係根據農曆計算,如果用西曆計,即係話 呢個人根本就唔識術數...
其實十二生肖只係因為每年啲風水佬,風水婆,加埋一啲神棍...特別係靠靈異節出位而自封[宗師/權威]嗰隻,呢頂神棍只係靠東抄抄,西抄抄,求求其其就話出本12生肖運程!!
查實呢種運程書同個個禮拜都出 12星座運程一樣,得啖笑!!
12生肖,只係由 12地支化出嚟,其中一種計算方式,或者占算方式,雖然以肖為名,其實都係以十二地支同天干,四季等五行生克嚟計算天文轉變!至於對人有幾多影響,實屬疑問!!
另一方面,單係睇生肖運程書,就知呢位師傅有幾多料...凡以西曆掛牌者,可以叫佢返屋企吔嘢!!