餐廳菜色用名不當? 算欺詐?可告它?

菜式名稱唔一定要同其製法有關. 好似佛跳墻同佛無關、太極羹食咗唔會打太極、楊州炒飯並非出自楊州、沙律唔會有沙、冰極紅茶唔雪唔會有冰、西餐嘅燒牛肉亦只係用焗爐焗唔係用火燒、黎明講嘢好多人唔明、劉德華呃咗歌迷咁耐又何德之有? 都係一個名稱啫! 各人演譯 / 意會不同, 所以"鹽燒雞翼" 係炸嘅, 並無欺詐成份. "煮餸" 普通話叫 "燒菜", 都唔係用火燒 d菜啦...

但如果佢在 "鹽燒雞翼" 之後加句 "用鹽擦勻雞翼, 再用火燒" 嚟形容d雞翼, 但實際係用油炸, 就有可能犯咗 "商品說明條例" sect 7 - 任何人在營商過程或業務運作中將虛假商品說明應用於任何貨品或供應或要約供應已應用虛假商品說明的貨品, 即屬犯罪.

1,烈焰紅唇
2,紅粉佳人
3,夏雨點點
4,比翼双飛
5,翠塘白玉
6,金玉羅漢
以上全是菜式的名,如果依字面解必貨不對板.

你可以去消費者委員會投訴都得, 咁你要告佢地欺詐都冇話唔得, 但係你不是睇住佢地點煮你點知佢地唔係咁煮呢 ????? 好難講.......

如你有閒錢，又有大把時間，乜野事都可以請律師進行民事訴訟，但如果敗訴，你就要負責埋對方的堂費；所以咪以為好過癮，開口埋口都話去告人！