佢話每個月俾$4000佢唔夠用......

我老婆一年前失業，到咦家仲未搵到o野做。佢失業開始，我就每個月俾$4000佢做家用。話就話係家用，其實用o係家o既地方唔多，因為平時多數o係我阿爸阿媽屋企食飯，一星期得1-2晚係佢要買餸煮飯；屋企o既管理費、水電煤、上網費等等都係我俾；平時佢又唔駛搭車o番工；出街食飯睇戲多數都係我請；我父母、佢父母生日／過時過節oD禮物，絕大多數都係我俾錢；有乜電器家具要添置，都係我買；要睇醫生我會另外俾錢。呢$4000，我諗超過一半佢都係俾佢用o左o黎買護膚品呢oD女人o野，同埋買新衫新鞋呢oD佢早幾個星期同我講唔夠錢用，想我俾多oD。我問佢水電煤呢oD都唔駛佢交，點解唔夠？佢就話有好多新衫新褲新袋想買。我自己覺得呢oD唔係必需品，無錢買新o既咪著o番舊o個oD lor，會有問題咩（最少我係咁）？而且我都只係搵$13000一個月，正如我上面所講，我除o左俾家用我仲有好多其他開支（上面都未講MPF，供保險o個oD），於是我就拒絕佢o既要求。我老婆早排因為甩牙要種牙，噚日去找o番條尾數（$3400），我俾$3500，牙科診所找o番$100俾我o個陣，我老婆伸手搶o左去。於是夜晚o番到屋企我就攞o番（既然我每個月都有俾家用佢，佢搶我$100仲乜？）。我真係諗都諗唔到，我老婆居然為o左$100發脾氣，將oDo野掟落地下。於是我忍唔住同佢嘈起上o黎，我話佢種牙我用o左萬幾二萬，居然好意思為o左$100發我脾氣；跟住我又話佢如果唔夠錢用就應該慳oD用，衫、褲、鞋、袋呢oD一定要買新o架咩？跟住佢就喊起上o黎。我想問：
1. 對於一個女人，唔駛交水電煤、又唔經常買餸下，一個月$4000係咪真係唔夠用？
2. 佢為o左$100發脾氣（仲要呢$100本來唔係佢o既），係咪佢唔o岩？
3. 我有無話錯佢？