(越戰電影)現代啟示綠

呢幕戲其實係講緊美國陸軍第一騎兵師嘅事蹟。

第一騎兵師俗稱又叫第一空騎；或一騎，正式成軍於1922年，基地位於 Fort Benning，由 Maj. Gen. Robert L. Howze負責組建。 臂章的設計者是 Mrs. Ben H. Dorcey，初設計時，Howze 要求要夠搶眼：Large enought to see throught dust and sand！所以做到雞乸咁大，係現時陸軍兩個最大嘅臂章的其中一個；另一個係長駐南韓但現時活躍於阿富汗嘅 Indian Head，第二騎兵師。
第一騎兵師嘅歷史唔係長，但同佢個臂章一樣咁搶眼！係小弟學習研究越戰美國部隊戰史，其中一個最喜好嘅部隊之一個。

二戰時服役於太平洋戰區，是戰後佔領日本本土維持秩序嘅部隊之一。
韓戰時期，醃尖出名嘅麥克阿瑟將軍比一騎嘅評價係：Swift and sure in attack，tenacious and durable in defense, and loyal and cheerful under hardship！可見一騎絕對唔係魚腩都隊！越戰時期係一騎嘅黃金時代，到南越前佢曾經由十一空中騎兵實驗師協助由騎兵師轉形為空中騎兵師，當時美國前國防部長鮑維爾正於十一空騎嘅步兵隊做少尉。
幾年前米路吉遜嘅電影：軍天壯志就係講述轉形同進駐初期嘅事蹟。65 年 7 月由 USS Boxer 帶駐南越，係美國陸軍第一個駐南越嘅師級部隊，由於帶住個咁大嘅臂章而比其他部隊叫佢哋做：Blanket Division。主要活動範圍係第三戰區，而前伊拉克戰爭總指揮施瓦科普夫，則在同一戰區做帶領南越第一步兵師嘅協調官少尉。越戰時一騎額定兵力有萬六人、車輛 1600 架，各形直升機 400 架。

一騎擔任定點突擊同垂直包圍嘅 hit and run 工作。而你講電影現代啟示錄中對漁村播交響樂嘅突擊，主要除咗心理戰之外，亦極富騎兵本色，另外嗰位頭戴騎兵帽向死人派 Death card 嘅中校，都係發生喺一騎嘅真人真事！

順便一提，現代啟示錄突擊海灘時嗰隻音樂係「Wilhelm R. Wagner , 」嘅《女武神的騎行》(英語:Ride of the Valkyries),女武神係原自北歐嘅傳說，相傳有戰事時，女武神就會在戰場上空遊走騎行，專竊取死者嘅靈魂令佢哋永不超生！係咪好襯一騎同呢場戲呢！當年現代啟示錄亦憑呢首交響曲奪得奧斯卡最佳音效獎、最佳配樂獎。仲有，Ride of the Valkyries 亦係希特勒最愛嘅交響曲，所以佢用嚟命名咗一個極出名嘅行動；華爾基利(Valkyrie )。有無印象三年前湯告魯斯嗰套戲？《華爾基利暗殺行動 》改篇自第二次世界大戰期間暗殺希特勒嘅真人真事，套戲開始時都係呢首交響曲！

整個越戰時期共有 150,000人次服役於一騎，當中 30,000人死傷，而部隊得獎無數，單單數最高榮譽嘅國會勳章 Medal of Honor 都有 25 個；一句到尾：厲害！重有小小花絮就係美國陸軍於越戰作戰陣亡將士最高軍階者；兩名中將嘅其中之一：在巡視越柬邊境前線時直升機失事死嘅 Maj. Gen. George W. Casey 當時就係一騎嘅師長！一騎於 90 年代再轉成重裝騎兵師並參加伊拉克戰爭，當中最為人知嘅行動係與 101 空中突擊師在砂漠完成近千公里對伊拉克革命衛隊嘅追擊合圍。

這是導演想表現大美國之主意，那些美國大兵上戰場殺敵(其實有一半是手無寸鐵之平民)，是以打戰爭遊戲之心態，用不成比例之火力對戰；殺完人後就去滑浪，完全是個大孩子之表現。
該導演不直接以美國大兵被殺，而以一個較不明確之暗語，是反對美國打越戰之表現；亦可能是指一些領導人以戰爭得到利益。