8 個月大 金毛尋回犬

你係啱啱養佢定係點?如近排開始可能係突然轉狗糧腸胃唔適應,要問之前狗主食開乜糧,新舊糧同時比狗狗食,慢慢減少舊糧份量,為期最少一星期,狗狗適應後可完全接受新糧.如由細到大都食同一种糧但又会瀉的話,一係狗糧品質好有問題,二係狗狗腸胃敏感,對狗糧某Ｄ成份敏感,三係有病毒感染.
如只係轉糧而有Ｄ瀉唔大問題,只要精神有胃口唔駛太驚.但如係敏感可食鴨及魚嘅狗糧試下,係比較少敏感嘅,但真係要試,因你唔知狗狗對乜敏感,有Ｄ会對穀類就要食無穀類狗糧等.如有病毒就一定要睇医生,小狗只有八个月,如無打斉防疫針就更易染病.
其实屯门元朗Ｄ狗糧都比市區平好多,但始終食落肚,太平嘅狗糧成份会有好多动物副產品,包括大量淋巴,內臟等,狗狗肝臟長期唔可以受,後生就好似無嘢,日積月累Ｄ嘢就出嚟!到時要睇医生,狗狗又受苦!唔好因价錢去揀,成份緊要Ｄ,依家仲係成長階段更加要好營養增强抵抗力,應食小狗配方糧至一歲才轉成犬配方.
至於边隻好都好難講,我狗食得ok唔一定你狗都ok,但我会揀天然及用动物肉類而唔係肉粉或副產品嘅狗糧,希望你聽多Ｄ意見揾到啱嘅狗糧啦!

金毛好多都有寬關問題，8個月都未完全成長，你唔比隻好D糧佢食，之後發育唔好，引起後果可能你要洗錢重多。大型狗1.5歲前都要比高營養D糧佢食。1.5歲後發育完全，佢食量都唔多。之後保持體重。