✔ 最佳答案
拿破崙雖然係大皇帝既正式帝號,但亦係佢原本既名,相信大家都知佢姓Bonaparte。事實上,佢最大既敵人英國由佢出道都死都只稱呼佢做波納帕提將軍(General Bonaparte),但全歐以至全世界都只會叫佢個名。
係歷史上只以自己既名字而唔係姓氏出名係一種極高既殊榮,歷史上只有少數幾個人有呢個光榮,拿破崙係其中一個,情況就好似大家一講“大文”,就知道講既係陳大文,而唔係黃大文、李大文或張大文一樣。其他同樣講個名就知佢係個既有菲利普及亞歷山大父子(我唔知佢地姓乜)、瑞典皇古斯塔夫(Gustavus Adolphus,佢正式既帝號係古斯塔夫二世)、彼得大帝(Pyotr Alexeyevich Romanov 。“Pyotr”係斯拉夫文Peter既意思,而彼得係管治左俄國達三百多年既羅曼諾夫皇朝既皇帝之一)、達文西,達文西全名叫Leonardo Da Vinci,直譯意思係“來自文西的李安納度”,所以其實佢只有李安納度呢個名。達文西係一個私生子,佢老豆唔想比人知達文西係佢個仔,所以佢無姓氏。與達文西同期既畫家拉斐爾情形都差唔多,佢全名係Raffaello Sanzio,Raffaello只係佢個名、係人都識既米開蘭基羅都只係佢個名,佢全名係Michelangelo di Lodovico Buonarroti Simoni。