這些是朋友嗎？ 請成熟有心人士幫忙給意見

其實我就覺得,
你咁諗其實都係好正常,
不過,
其實係現實生活之中,
幾乎所有人都係會有"朋友"同"酒肉朋友"二種人,
有時明知係"酒肉朋友", 你都會照為佢地開生日party等等既事,
唔可能完全抗拒佢地既存在,
都唔可能話劃清介線,
話只係同"朋友"開生日party, 而"酒肉朋友"就完全ignore,
點講都好, 即使"酒肉朋友"都係朋友既一種.

而且, 我覺得話佢地冇"半點感激之情",
所以你就更加唔想同佢地搞生日party之類,
其實唔係一種太好既心態.
首先, 為朋友做野, (including酒肉朋友), 就唔應該係希望人地一定會有感激之情,
會有d咩情感上既回報你先咁做.

仲有, 你又點知佢地係冇半點感激之情?
講真d, 如果我係佢地 (你d酒肉朋友)
我唔appreciate你地開既生日party,
我根本就連去都唔會去囉!!!!
但係如果佢地keep住有去,
咁佢地都係係某程度上appreciate你地既付出,
係當你地都係朋友, 先會出席. (雖然唔係太熟既朋友, 都係朋友呀!)

除此之外,
其實好重要既一點,
係你其他朋友既心態.
如你所說, 得你同你另一個朋友覺得有問題, 其他人唔覺.
其實朋友係一個"圈子",
有時係會係某d事情上,
會有少數服從多數的情況出現,
而你, 作會個group其中一員,
係要有d讓步, 跟隨佢地既決定.
afterall,
有時呢d事情,
唔係about "right or wrong"
而係你要為一個group所作的讓步.

其實看過我所講的,
你可能以為我係覺得你所諗既係錯,
但係其實唔係,
我都有過你咁既情況, 都有過你咁既諗法, 所以我都幾明白你既心情.

不過, 由好多經驗所得, 我都係努力調整自己既諗法同心情,
希望可以幫到你啦, 唔好因為咁而覺得太過troubled,
有其他問題可以再問啊~

"我個人認為這樣的飯聚好無謂...而且還要替那些不熟的朋友搞生日但事後都無半點感激之情。"
施恩莫望報...你係為左要佢地感激先出黎!?

"每次出來食飯又不是可以談及心事，只是傾閒計無聊話題。"
意在可以見一次面...維繫一下朋友感情

"我認為那些不是朋友，只是酒肉朋友。"
酒肉朋友係指佢地只會同你吃喝玩樂...佢地係唔係真係一d都無幫過你...而且酒肉朋友係人生入面一定會有...如果唔認同...你可以選擇離開佢地...不過你會失去更多...假設到你老左再諗返...又會發現...係一場歡笑

"你們認為我這樣想好過份嗎？ "
唔過份...選擇權係你手...

"我不想再這樣下去，有什麼方法可以解決？"
都係個句...唔想咁...你可以離開佢地...世界並無兩全其美...只可以自己決定

我覺得冇乜所謂丫...
其實大家都叫曾經相識,,曾經度過一個學年..
即使係唔熟都叫做係識丫...
雖然可能你同佢地係唔熟,,
但係竟然你真係好唔鐘意幫戈班唔熟既朋友搞食飯...
倒不如坦承咁同你熟既朋友講「下次唔好約佢地啦"」
當佢地問起你點解既時侯,你可以同佢地講話同佢地唔熟
我諗你班朋友會體諒你既.
但反觀...當你約班唔熟既朋友一齊出黎食飯既時侯,,
係唔係真係一d都唔開心,,?
如果同唔熟既朋友一齊食飯都會有開心既時候,咁就冇問題啦~
開心就得啦,係唔係先?
如果真係一d都唔開心,咁我諗你要盡快同班fd講唔好約啦,,
始終都係睇你地自己架姐..

*純熟個人意見,參考與否,請自行抉擇

甘佢地真係所謂既酒肉朋友
可能你個一位朋友重友情 所以經常幫佢地攪生日/眾會
其實都只是雙方看法唔同
你可以同你個位重友情既朋友傾下 表達一下你既感受
又可以直情你既酒肉朋友攪生日個陣你唔攪同唔去
如果再係甘 你一年出9次生日會 甘咪好哂錢好哂時間
雖然你重友情既朋友講得都有道理
攪左甘多年突然唔攪又真係好奇怪
你最好真係講你既感受出黎喇
幫佢地攪生日少少感激都無
呢種酒肉朋友最好越少越好

既然不熟 何解要約出來,我覺得你這樣想沒有問題。如果是我的話,我會跟朋友說清楚,不要覺得不好意思,不熟就不熟,我只覺得十分無謂。主要的是聯絡他們的人吧,你們已各有各工作,既然他們不主動聯絡你們,你們又何必主動聯絡尼..除非他們值得聯絡。好的朋友會明白你的。