利記幾時會拿英超冠軍?

唔好意思, 我相信離緊四, 五年, 利記都好難拿英超冠軍, 因為:

穩定性:
聯賽係長途賽, 利記無曼聯同車仔果種穩定性, 成日應贏o既和, 應和o既就輸. 就算踢一兩場好波, 俾利記贏曼聯, 贏車仔, 贏阿仙奴又點? 失分俾弱旅先係大忌, 贏唔到中下游o既隊伍不計其數.
你可以講係欠運, 但青訓做得唔好, 無狀態都係問題.

兵力不足:
曼聯同車仔拆兩隊, 兩線, 甚至三線作戰都夠踢, 但利記就唔得.
球員疲態在所難免, 無態同受傷就不在話下.

欠運:
唔知點解鬥親曼聯十居其九都無運行, 真係解釋唔到...

結論:
因踢盃賽場場計, 鼓其餘勇, 打個勢, 同每場戰術, 所以踢盃賽拿冠軍都仲有機會, 聯賽踢成 38 場...算罷啦, 無乜大轉變, 利記都好難拿冠軍.

好耐都冇見係因為利記從未攞過英超冠軍.

等謝拉特退左休再有一個好d既中場頂佢就得。
我自己本身係鍾意謝拉特既..
不過因為謝拉特太好波,
隊友太過依賴佢
搞到成隊都係以佢為核心
其中原因係冇人分擔到佢既工作(希望祖高爾可以)
謝拉特雖然體能好
但總不可以又上又落
而後面盧卡斯又唔可靠
搞到佢專注唔到進攻
而利物浦成績同謝拉特既狀態又係成強烈正比。
所以萬一謝拉特上唔到狀,成隊波就散。


而前季利物浦可以同曼聯爭冠軍果陣,
沙比仔就係到
沙比仔果時同馬斯查蘭奴2個防中非常穩陣
而沙比仔長傳又好準
防守又穩
分擔左謝拉特既工作
令謝拉特可以直接backup torres
所以沙比離開亦有好大影響。