canon g12 幾時出 ??

G12出咗啦.不過如果你諗住買佢來影演唱會,咁你可以放棄.一來佢最長焦距只有140mm,除非你可以走埋個歌星前面用閃光燈影,否則只可以影到好細粒,zoom到盡光圈得F4.5,高iso又多noise,閃燈又唔夠火力.防震都幫唔到你,歌星走來走去要大光圈,高iso先有用.除非你諗住影下個場就得.
又要長焦距,又要暗,又要影郁既嘢,就算又大部又貴既數碼單鏡都要配支好貴既長焦距,大光圈鏡頭先掂.如果只係一部機仔就搞得掂,咁啲記者一早用咗啦,駛乜咁辛苦抬咁大部機,配支大炮鏡頭去影?
想平平地玩下可以買部入門級單鏡反光機例如Canon 550D,約$5870,配支細光圈長焦鏡例如Canon 55-250mm f4-5.6 IS,約$1650,靠谷高iso影先叫做勉強可以影到.亦只可以針對慢歌.要影跳舞就要配大光圈鏡頭,就會好貴好重.
另外最重要係你一定要買最貴飛,250mm焦距只可以坐前十行,八行先有機會影到半身,否則就要等歌星行埋來先有機會影.以下網頁有部相機既規格
http://www.dcfever.com/cameras/fullspecification.php?id=1461