香港，中四可否半工讀&獨居？

我唔知有咩機構可以幫你，只能在實際環境上講，我覺得你點都到16歲先好諗呢D野，16歲先係法定年齡可以工作，你得15歲除左麥記或派傳單個Ｄ可以比你半工讀之外，無其他人會請你，不過即使你到16歲，搵工都係難的。另一方面住屋亦唔係你話搵間屋咁易，出面租屋租房見你咁細未必肯租比你，就算有...屋租再加水電雜費一個月都唔知洗左幾多千(仲要間屋/房環境好差個隻)，你呢個年紀就算出去打工，成份糧都會洗哂係間屋度，仲未計你返學要學費書簿費，到時你又甘唔甘心每月辛苦返工得個桔？同朋友住係有好多問題架，例如點樣攤分交租做家務，隨時搞到因財失義。

我唔知你屋企有咩問題，但你仲係咁細個，在呢個社會暫時都好難獨立生活，鬼叫你無錢就唯有靠大人喇，死忍爛忍最好都捱到17,18歲，到時先追求獨立無咁辛苦，半工讀唔容易架。

15歲工作選擇比較少

另外系可以半工讀的,不過你覺得兼職薪水可以應付日常生活所需嗎?

獨居或同人住系可以,不過由於沒到法定年齡,很多事情需要監護人的 !

社署可能要你去d寄居家庭或兒童之家.....>,<

你試下搵搵東華三院或明愛的社工

找社會福利署,
佢地應該幫到你
最好直接找學校社工
向班主任求助