家長對補習的意見

如果自己能夠照顧到, 我絕對唔贊成去補習社. 原因有以下:

1.) 補習社裡有好多小朋友, 佢地d 品德如何. 補習社d 老師未必會去管教及理會. 有時候會令自己小朋友學到不良習慣.

2.) 好的, 盡責的補習社真係少有. 而大部份補習社都"得過且過". 唔會真係同小朋友補習, 而係望住小朋友做功課. 而小朋友有唔明白的地方, 佢地先會去教的.

3.) 如果放在係補習社, d 功課真係做晒, 但自己小朋友係咪真係明白, 真係識晒, 我地做家長又未必會咁清楚的.久而久之, 可能同小朋友有隔膜.有代溝的. 而且做功課時間, 真係可以建立到同小朋友既親子關係, 亦都可以了解小朋友在學校生活如何等.

不過, 講真個句, 而好多雙職父母, 佢地無時間教, 無時間照顧, 咁就迫於無奈放在附近的補習社. 捫心自問, 佢地許可的話, 又點會諗住放補習社呢?

不過當然有部份家長, 以自己教唔到為理由, 而放係補習社. 但講真個句. 我自己都無咁高程度去教自己大囡 (佢讀英文小學). 遇到唔明白時, 我都唯有同佢一齊去搵答案. 在圖書館/上網/查字典等都可以. 其實咁樣, 可以令小朋友去知道, 唔識唔緊要, 我地可以一齊去搵答案, 其實咁樣, 可以促進親子關係. 真係好開心架.