請問有無人用過sigma 50-150mmf2.8II 鏡

單純講畫質,Nikon AF-S 105mm VR Micro會好啲.雖然有好多人話微距鏡影人太利唔自然.其實係冇問題的,只要唔好真係影微距大特寫皮膚就冇問題.但佢係定焦,取景彈性比較細,除非你可以好自由走位.而且焦距太短喇,除非你影親活動都可以喺正表演者旁邊影.否則多數唔夠長.
Sigma 50-150mm f2.8 II影像質素都好好,要清楚冇問題.但你會發覺好小人用呢支鏡的.因為其實又係唔多夠長.支鏡最大好處就係輕.可能你都係因為呢個原因睇中佢.但佢除咗呢個優點之外就冇乜好處.冇防手震,冇腳架環,仲要係DX鏡,轉全片幅就唔啱用.
室內活動如果係普通觀眾,甚至係大會攝影師,都會想焦距盡量長的.有時易得佢有300mm.150mm,甚至200mm都唔係你想像中咁遠,因為你係影特寫而唔係影個場.所以一般起碼都會用70-200mm f2.8.重就係重啲,但其實絶對唔係啲人講得咁誇張.我自己用足一日都冇問題.
70-200mm f2.8在價格與大光圈的平衡係最好.300mm會太貴同太重.如果預算許可當然係買Nikon AF-S 70-200mm f2.8 VRII,不過要接近萬七蚊好貴.退一步可以考慮Sigma新出既70-200mm f2.8 OS,都有八九成質素,但都要一萬一千蚊左右.再退一步就放棄防手震買Sigma 70-200mm f2.8,必要時最多用單腳架代替防震.六千蚊左右就買到.以下網頁有鏡頭既測試
http://www.photozone.de/Reviews/overview