北海道旅遊問題

我住過以下既溫泉酒店, 環境舒適寧靜:
洞爺湖萬世閣溫泉酒店 Manseikaku Toyako
地址: 〒049-5721 北海道虻田郡洞爺湖溫泉町21番地
電話: (81) 0142-73-3500
網頁: http://www.toyamanseikaku.jp/
其他設施‧娛樂:酒館,咖啡廳,卡拉OK室,遊樂場,室外網球場等等免費接送巴士(需要預約):飯店於札幌設有免費接送巴士(預約制，詳情須確認)
公共交通:JR洞爺湖車站，搭巴士約20分鐘‧
小樽比較值得去, 因為風景區好靚, 而函館出名食麵之外, 沒有什麼特別.


2010-09-15 15:33:39 補充：
以提供比你既酒店官方網站上唔到, 你可以上D個網站睇下洞爺湖萬世閣溫泉酒店係點樣先:
http://hokkaido.pktravel.com.tw/show_hotel.asp?seq=12

2010-09-15 15:41:27 補充：
P.S.: 洞爺湖萬世閣溫泉酒店餐廳所提供的早/午/晚三餐好好食....特別推介: 帆立貝湯及毛蟹湯, D湯鮮甜美味, 而且每碗都有帆立貝及毛蟹, 絕不偷工減料的. 不過D二款湯唔會係同一餐一齊出, 係輪流出, 如果午餐飲了帆立貝湯, 晚會則會出毛蟹湯.

2010-09-15 15:55:55 補充：
P.S.: 酒店餐廳所提供的早/午/晚三餐都係以自助餐形式, 好多款食品任食架.

明年 (2011) 的農曆新年正值札幌雪祭... 因此不論航班酒店都會十分緊張. 建議你盡早確認行程. 香港直飛札幌的航班會超緊張 !!! 因為只得國泰及香港快運兩間航空公司, 而國泰的加班機亦唔知幾時會推出. 所以 planning 一出, 假期一批就唔好理啦, 訂左機票先 !! 否則真係 plan 完得個桔 !!!

如果你去 10 日北海道, 咁樣基本上係有好充足時間去小樽 + 函館, 唔需要二揀一呀... 小樽主力 sell 浪漫運河同埋歐洲風的遊客區, 如果你係同女友 / 太太一齊去, 咁樣真係無咩理由唔去啦. 年頭我同太太兩人係小樽隨隨便便咁行, 都冇去晒本身想去既地方, 都用左足足一日. 函館係 sell 夜景, 但相對香港的夜景, 可能港人會覺得無咩特別啦. 而又因為函館偏埋一邊, 好似特登兜過去咁樣... 所以去唔去就睇你諗法啦.

溫泉飯店方面, 我會推介札幌附近的定山溪. 由札幌出發, 搭巴士大約 90 分鐘車程, 當地有好多間溫泉酒店, 過夜又得, 即日來回又得. 我地上次選過夜, 10 個人住一間酒店 (5 間和式房), 每晚約 20000 yen, 已經包括豐富晚餐及無限溫泉. 而且早上仲可以係酒店附近四出尋訪河童雕像, 十分好玩 ^^

10 天行程, 我會建議你不如考慮去二世古滑雪及浸溫泉, 雖然酒店價錢幾貴
, 雙人房約 50000 yen 一晚, 但當地雪質好, 如果初到北海道滑雪, 當地的確係一個好選擇.. 而如果去二世古, 你就可以真係兜一個圈, 札幌 -- 登別 -- 函館 -- 二世古 -- 小樽 -- 札幌, 其餘時間再去旭川, 層雲狹, 定山溪等等.

訂酒店方面, 札幌我會揀返 Toyoko Inn, 因為地點好, 離 JR 站只係 2 分鐘直線步程, 而且房價合理, 地方乾淨, 網頁仲有中文選擇, 十分方便.

溫泉酒店既級數唔同. 但又因為日本旅遊真係太發達, 各地觀光協會都將好多酒店資料上傳自己網站, 例如定山溪, 就可以參考 http://www.jyozankei.com/shisetsu_index.html. 入面有 10 幾間溫泉酒店既資料. 可以自己 LINK返酒店網頁, 慢慢比較, 之後再訂房. 其餘地方一樣啦, 只需要係日本 YAHOO 打上城市名, CLICK 返入觀光協會網頁, 就有好多酒店資料. 不過城市黎講, 例如札幌, 函館等, 我都會捺 Toyoko, 因為價錢真係太吸引, 而自己對酒店要求又只要乾淨整齊, 寧願攞錢去玩好過. 要嘆酒店, 留返去滑雪場或溫泉啦.

但網上訂房有一個問題, 就係成日要我地輸入咩半角, 咩全形文字,. 攪到好煩... 所以如果攪唔掂, 就要打個電話去 (好平之嘛), 用電話做 BOOKING. 而我既做法, 就係唔理網上做唔做到, 我都會打個電話去個邊 CONFIRM BOOKING, 咁樣就安全好多....