男女朋友之間既問題;入黎睇下...男女都好...!!!

其實我唔覺得佢有鍾意你。鍾意咪鍾意囉~洗乜又暗示又SMS呀??!!
|由你講既內容當中由頭到尾都無一句係可以證明佢係鍾意你。
其實係咪你唸多左咋...佢可能乜都無做過而你誤會佢暗示左比你咋?!
不過呢D都係本人認為咖姐...唔一定係真既...咁我都當然希望你同佢可以白頭到老啦....

不過你係咪應該重新去認真去唸下,佢究竟係咪有鍾意你,定係你表錯情...或者你應該再問多佢一次係咪鍾意你,要佢親口講....好過而家估估下...

小姐, 1. 有可能正式相處後, 他覺得雙方唔夾. 又唔好意思直接講, 所以唔覆妳, 想妳知難而退.2. 妳試試不找他, 看他會不會再主動找妳. 如果找妳,便問清楚他之前為何這樣. 如果他不再找妳, 我勸妳還是放棄他, 再另覓姻緣吧.

而家d男仔係比較被動，又唔識表達自己。
你話佢已暗示佢接受你，但接受你唔代表一定鍾意你，
只係不討厭你、對你有好感而已，
可能連佢自己都仲摸索梗佢對你抱有乜野感覺......
即係所謂的曖昧關係。

但在搞清楚你地之間的關係前，
你就已經好似正印女友咁send sms問佢行踪，
佢可能會因此而被你嚇怕！
你諗吓，佢阿媽check佢行踪，佢都未必會答啦，
更何況係同一個都唔知算係乜野關係的人？
所以當你send左一、兩次之後，佢唔想覆的，你就唔好再不斷send，
盡量忍下手，
如果唔係佢會覺得你管住佢，仲煩過佢呀媽！
係咁你地的關係未開始就已經完結了！

試吓咁樣解比你聽看看是否幫到你。

你們在公司認識，他發現你鍾意(或叫好感)他，跟住sms探問，他接受。

之後...

仲繼續sms?

你以為「報到」便是confirm你們的關係？

我估他對你有更大期望，既然你話他是「沉默型」，又是你先提出「拍拖」，咁請你就對自己講清楚這是「女追男」的"愛情"。唔好欺騙自己因為你表白便是給他開了綠燈「追你」便應該展開他的「關懷」。

sorry啦。我估他是在等你約他晚餐，約他去concert，約他去陪你行街....

再者sms是曖昧時才用的工具，又或是「分手」時才用的工具(暗諭：唔想直接見面講嘛)，所以你給他接收到的訊息是：「我試吓你係咪鍾意我咋，唔好當真住呀，你想要就出動啦，我會比機會你的。」但他的心態應該是：「我未試過比女仔鍾意，我唔識點做，你話鍾意你應該知點做，我等你呀。吓！乜就係sms話我知你返工同返屋企，我都係到返工我都知你幾時返工放工啦，咁即係你唔會約我放工去街啦。」所以一兩天後他就算見到你都「無言」啦。

如果你仍要sms而唔「追他」，試下建議你：
「早晨，係公司我哋其實唔係好多時間見而又方便講嘢，其實我一個星期除了星期xxx要做乜乜乜外，星期xx放咗工都係返屋企，這幾日你會唔會有時間放工出來行下街呢？」咁咪讓他有藉口(理由)又令你覺得係他約你囉。

你當得他係你「條仔」就要準備要「教仔」啦。

其實兩個人一齊左幾來，最堅要係彼此既相信
你可以關心佢，擔心佢
但唔可以超過，因為會變成壓力
彼此要比大家適當既空間

其實係公司識，姐係証明會常常見面
你係公司係做野架唔係拍拖，心態要更改，因為男人事業心會比女人重

切忌成日問男人做緊咩
佢地會覺得你成日check住曬
不過女人就是愛這樣

岩岩開始既關係，唔應該覺得辛苦架喎
你應該要放鬆D，自然D
你都話佢唔識表達自己啦
你可以放鬆D比佢嘗試點同你溝通啦

唔需要成日send messege比佢
令佢感到透唔到氣架

試下溫日完全唔sd messege 睇佢會唔會主動溫返你