買居屋做按揭,被阿妹問到一頭霧水,HELP~~

1. 係要放棄
2. 而家銀行都收緊左樓借貸好多, 以前綠表真係可以借足, 但係而家你妹係白表同埋銀行好多野都收緊左的關係, 所以而家你冇錢就冇得傾係唔會有特別安排....
3. 佢得幾萬即幾多, 如果真係只有3萬, 一定唔夠, 因除了律師費外, 水電煤都要比按金架, 仲有管理處都要比按金, 唔通唔使食咩 ????


其實我係好感受到佢的情況, 好似我家親人, 申請公屋超入息左小小, 但係個個月出去租私樓都要比5000元佢亦儲唔到錢, 最後寧願捱幾年散工等自己合資格申請公屋, 所以而家好多人租套房儲錢寧願買私樓, 你妹妹個情況你真係要勸佢諗清楚先至好買, 就算比佢問到人借首期佢都會真係供得好辛苦, 除左人地唔等住d錢用或者家人肯義助佢啦.......

1:如果白表是10%首期，冇就放棄！其實17萬好少錢！

2:冇方案，如果入息唔夠，連剩下的155萬刀按唔到！

3:問屋企人借，勿向銀行及財務，因為借左，会在剩下的按揭155萬中扣番！

抽中真幸運，因居屋按七成以上不用買按揭保險，樓價約3.7%！四萬幾！

香港平民買屋唔難，要唔煙唔酒唔蒲唔旅行才有机会！

本人月入一萬咪私樓，按20%炸！現在樓價太高不是買樓好時机，比05年貴左75%以上，真不是時机！

我有朋友剛剛抽到居屋. 居屋可以做9成5 的. 但你還要預埋律師費及厘印費wor. 厘印費200百萬以下的樓只是比100元的. 你check 下銀行有沒有律師費津貼或現金回贈. 還有要check 下每月的供款是多少 (記住: 銀行只可俾你供你既入息的一半. 假設你入息為一萬, 每月只可供5000元. 入息不夠, 便要搵人擔保). 如果間屋是兩個人的名, 便兩個人的入息來計算. 最好向銀行問清楚d 先la

1,問清楚銀行批唔批9成5按揭
2.唔會有,世界上邊有咁好,唔洗比錢有樓買.銀行唔會將全數風險承擔晒.
3.一係問人借完去買,但唔可以問銀行,財務都唔得.一係睇9成5做唔做到