問路,由荃灣去黃埔花園

我都成日會行呢條路線，希望以下既方法幫到你啦！: )


方法一：
先係梨木樹搭36號巴士，去到戴麟址診所落車，之後過對面馬路(即過去戴麟址方向)，再過埋右手邊既馬路(即係川龍街)，你會見到有架紅van係去石梨貝，係呢架紅van後面就會有一架去土爪灣既小巴 ($13.00)，你就上呢架小巴，過晒理公大學會轉入嘉維邨，你就要落車，跟住行過對面穿過一條街，你就會見到有奇華餅家、citibank‥‥‥，果條就係糢湖街，面對奇華既左手邊直去就係黃埔，你去到見到黃埔UA戲院，果度就係蔡瀾美食坊，而你要去既應該係博藝會(係咪？)就係上面啦！如果唔塞車的話，由梨木樹去到紅磡(嘉維邨)大約半個鍾至45分鍾左右，由落車行到去目的地大約10分鍾右左啦。

方法二：
同方法一差唔多，不過就係梨木樹邨口搭沙田出荃灣既車(48X / 73X / 278X)，都係行返去川龍街搭果架小巴，雖然車費會貴咗兩個幾至三蚊，但相信你都知36號巴士一嚟唔知幾時先會有車，二嚟唔知點解，夏天呢條線既冷氣巴唔知去晒邊，咁你就要一身去飲Look咁焗熱狗，諗起都辛苦，所以都係行遠少少、俾貴啲啲去邨口搭一定係冷氣既車啦！ : p

方法三：
都係先出荃灣，但就去戴麟址診所後面個巴士站(即73x / 278x往荃灣方向落車果個位度搭一架30X既巴士，車費好似大概七個幾咁上下啦，呢架巴士就會直接去到黃埔花園，總站就正正係蔡瀾美食坊樓下，但由於呢架巴士係會經長沙灣、太子、旺角‥‥‥etc先會去到黃埔，所以都要差唔多45分鍾至一個鍾先可以去到(唔塞車計，我試過要搭成個半鍾先到)


方法四：
先係梨木樹搭36A號巴士，係美孚新村落車，行返去美孚巴士總站，最外邊亦有一架紅VAN係出土爪灣既 ($8.80，仲收八逹通)，之後既方法同方法一都係一樣。

方法五：
係梨木樹邨口搭沙田出返嚟既巴士46X線，呢架車會去到美孚巴士總站，跟住就同方法四一樣，但要留意一樣嘢，有啲時候會有46P同46S，一定要睇清楚先好上車，因為得46X先去到美孚，另外兩架都係去到荔景


最後就係個人意見啦，我成日行呢條路線，根據經驗所得，最好既方法應該會係方法二 / 方法五，而如果你又唔係太趕時間，可以係架車度耐啲又唔驚會塞車既話，方法三都不失為最直接既方法，希望幫到你啦！ : )

梨木樹

近城門隧道嗰頭

平方法

行去荃灣鐵路站 (沿象鼻山路落) (幾遠下) (約10-20分鐘)

撘九巴 30X

非空調 $ 5.8

空調 $ 7.8

黃埔花園總站 落車 (直達)

約 70 分鐘

唔行

先撘九巴 43X 返去荃灣眾安街

行去荃灣鐵路站搭 30X

最貴 $ 15.7

港鐵

乘車時間最快 (約 30分鐘)

但行去大窩口站都好遠

去紅磡

$ 7.5 成人八達通

希望幫到你

你先在梨木樹巴士總站搭36A, 車費:$3.70 (普通), $5 (冷氣), 約15-20分鐘一班車, 搭去美孚 鐵路站 (即第8個站), 預15-20分鐘車程, 再轉30X 巴士去總站落車, 約13個站, 預40分鐘到, 落車再問人, 向車尾行5分鐘到, 車費為 $5.30,約15-18分鐘一班車。
KMB e-mail address:www.kmb.com.hk

如果你出荃灣搭, 都係30X, 荃灣出美孚段時間需時, 不太建議。另外,你最好預早一點出門, 因為佐敦入黃埔果段硌都有機會塞車, 但無荃灣入去嚴重。