少少養紅米奇嘅問題...(急!!!)

1.養紅米奇係吾係一定要濾水器?

養任何魚都好,唔一定要用濾水器,不過一定養唔長,
濾水器過濾d水,可以確保水質穩定同清潔,所以有一定好過無!!

2.另外係吾係一定要氣泵?一日要泵幾耐?

氣泵係供氧,但非必要,通常係細缸養多魚時會用上,
平時只要無超養,氣泵大可唔用~

3.一日餵幾次?一次餵幾多?

我習慣一日餵一次,如果想魚隻快大少少,可以一日兩餐,
份量唔好多,我講唔到你聽,因為唔知你餵咩糧~
養魚、蝦都好,只要有野食就無問題,唔需要話見佢好似唔夠飽,
再餵多少少比佢,問題係你真係識聽佢地講野!?唔係呀嘛...
d人見d魚游晒上黎就一定係肚餓,我就可以話你知只係因為魚一般都唔知飽,
同時習慣有人行近魚缸就等於有野食,所以有咁既情況

4.魚缸放邊度最好?

首先係唔好放近好多插頭插蘇旁,廁所亦都最好唔好放,
如果有窗台的話就比較理想,另外放係一d位置係曬唔到太陽、吹唔到風既,
咁夏天就無咁熱,冬天亦無咁凍

5.點解佢地會跳上去?

跳出缸?? 原因有以下:
- 缺氧
- 受其他魚攻擊
- 水質極差

1. 最好有, 耐養
2. 24小時開18~20小時, 我係錦,成日可能會怕燒
3. 3~4次, 1條魚食4~6粒(細魚糧)
4. 陰位, "昌"邊會影響水溫
5. 依個唔知, 我最多都係游上游洛, 好得意xd

1.養紅米奇係吾係一定要濾水器?
唔係!

2.另外係吾係一定要氣泵?一日要泵幾耐?
唔係一定要氣泵,因為紅米奇同d鬥魚一樣,
識得自己上水面呼吸。

3.一日餵幾次?一次餵幾多?
一日餵一次,每次以20分鐘內食完為準。

4.魚缸放邊度最好?
放在室內無太陽照到,陰涼既地方最好。

5.點解佢地會跳上去?
因為鱼缸水位太高,任何魚都會跳水,較低d個水位就無事lo

如果你唔用氣泵同埋濾水器要經常換水先得,
如果唔係缸水會好濁。