整慣姿勢點解

整慣姿勢=習慣成自然

【名稱】：習慣成自然 【拼音】：xí guàn chéng zì rán 【釋義】：習慣了就成為很自然的事了。 【出處】：《漢書·賈誼傳》：“少成若天性，習慣如自然。” 【例子】：調節和作是為了求中和，求平衡，求自然——這兒是所謂“～”（朱自清《人話》） 【序號】：7348

【例子】：政情：葉太借「雞腸」踩唐唐「條條Fing」嘅政務司司長唐英年早前多次去信立法會，對有議員喺立法會上掟蕉、掃場同大講「×街」等行為表示不滿。 尋日立法會開內委會，主席劉健儀又喺會上話，唐唐同佢講，議員喺議會粗言穢語簡直不能接受。社民連嘅議員聽完立即起身反擊，話唐唐唔知乜嘢係粗口就咪亂講喎；最奇係葉劉淑儀乘機插嘴，佢唔係同大家談論何為粗口，而係講唐唐啲英文水平低，仲隆而重之寫咗封信畀劉健儀，可算有新意啦！葉太話自己畢業第一份工就係教英文，改人英文係佢壞習慣喎，睇到唐唐畀立法會主席嘅投訴信，發現英文水平好有問題，「有好多好基本嘅文法錯誤，咁高級嘅官員，Past tense（過去式）都唔識」，佢話覺得好羞家，總之勁踩唐唐。葉太愈踩愈㷫起，話「知道封信係夥計幫佢Draft（草擬），但咁高級官員都唔可以瞇埋眼簽㗎」，仲話「如果整慣姿勢 ，傳去外國，我哋點做國際大都會」！葉太踩唐唐之餘，其實都踩埋啲政務官，即係佢啲舊同事，唔知嗰啲人點睇呢？唐唐話晒都讀過番書，但都咁唔小心，抵佢畀葉太挑骨頭。不過睇番葉太封「找錯處」信，錯處不外乎啲用錯時態、眾數寫咗單數嘅小錯誤，點知竟然要勞動葉太親身寫封信教唐唐英文，仲要特登喺內會上講添。葉太突然出招，唔知係咪「項莊舞劍，意在沛公」呢？

個人認為「整慣姿勢」應是「整慣斯勢」之誤！
整~~令至、做成
慣~~習以為常
斯~~此、這樣
勢~~情況、景況、模式

「整慣斯勢」大概意思是"令至(某人)習慣了這樣的模式"，也就是說"經常的縱容或不當行為令至(某人)養成壞習慣"。

「整慣斯勢」常見於大人相量對待小朋友的方法。例如老婆同老公講：阿B仔一扭計唔做功課，你就答應佢諸多要求，咁會「整慣斯勢」，以後你要佢做乜嘢佢都會同你講條件！

全對........

姐係話一個人對某一樣野造成依賴,習慣

唔知岩唔岩- -