✔ 最佳答案
理大個科叫動物護理學, 並唔係獸醫, 出路係獸醫護士或助理, 並唔係獸醫. 今年先係第一年開動物護理學課程, 並非以JUPAS方式接受申請. 課程收生會有面試階段, 大部分會邀請有動物相關工作經驗的人去面試, 有些人本身讀緊asso/hd或者已經畢業, 但成績唔係話太好. 有些文科生亦有conditional offer, 但條件要外國公開試生物科合格.
理大期望2012年, 動物護理學課程可以成為政府資助課程. 如果成事, 學費會較平. 如果改用JUPAS收生, 我相信到時課程會讀多一年 (因為現時要求中七程度), 而且估計入學要求亦會同現時稍作修改, 我估會要求四科必修加1-2科選修合格, 其中一科是理科.
2010-09-11 06:48:05 補充:
香港而家無獸醫讀. 就算城大打算2012攪獸醫課程, 是否成事乃未知之數, 最大隱憂係成本太高, 大學教資會已經反對資助這課程. 短期內其他大學亦唔會開獸醫課程, 想讀就要去外國讀. 關於外國獸醫課程的資料可以自己搜尋.