二手Nikon D80 body 想配支中長鏡

1. 由於新機全部都可以用機身調較光圈.為咗成本問題,新鏡大部份都唔會有光圈環.D80用機身調較光圈好容易.只要扭動快門按鈕前或後的轉盤已經可以.冇理由因為咁而特登走去買支有光圈環既舊鏡.用機會調較光圈另一好處係可以全開光圈取景,影相時相機先幫你縮光圈.唔駛因為收光圈搞到觀景窗暗晒.2. 有防震同冇防震可以差幾百,亦都可以差幾千,視乎你買甚麼級數既鏡頭,越高級既會相差越多.3. 如果想菲林機都用到既話,我建議你買翻原廠AF-S 70-300mm F4.5-5.6 VR,約$4250. 冇防震嗰支只需$755.不過千萬唔好買,畫質十分差.如果唔需要在F60都用到的,可以考慮原廠AF-S DX 55-200mm f4-5.6 VR,只需約$1680.4. 影響焦距主要發生在數碼機上.就以F60同D80為例.F60係用135菲林,片幅係36 x 24mm.但係D80佢既感光完件係冇咁大的.只有約24 x 16mm,Nikon叫佢做DX格式.用同一支鏡頭去影相的話,D80只影到F60所影到既中間既一部份.感覺上係用咗一支焦距較長既鏡頭去影咁.D80既焦距增長係1.5倍.所以用70-300mm鏡頭的話,佢睇到既景物範圍會等於F60用105-450mm鏡頭睇到既一樣.5. DX格式上面已經講咗,不過D80唔一定要用DX格式鏡頭的,用FX即係全片幅鏡頭都可以.反而F60就唔可以用DX 格式既鏡頭.DX鏡頭成像圈比較細,只適合D80呢類DX 機.用在菲林機會因為成像圈唔夠大而出現黑角.所以要兩用的話就侷住買FX 格式鏡頭.長焦距問題唔大,廣角就問題多啲.1.5倍焦距增長搞到好多就住全片幅做既鏡頭唔夠廣角.可能就要侷住買DX鏡頭,不能一鏡二用.6. 鏡頭代號可以睇以下網頁.http://taiwan-photoschool.com/new_page_133.htm

Philip 兄已大概解答你的問題，但需補充如下：
1：F60 與 D80 都有機身 motor 推動鏡頭，如果不要求速度，可使用 AF 鏡頭。我相信你部 F60隨機是有支鏡頭，是28~80 f3.3 左右 G 鏡，沒有光圈環。而 D80 跟機是有支 18~55 f3.5 G 鏡，可能沒有 VR( D80是舊款機，所以跟機鏡是沒有防震的)。28~80 鏡可以放在D80上全自動使用，相等於42~120mm，已經有微wide及中焦了。一般攝影大部份都在這焦段，所以很方便使用。

2010-09-10 21:13:36 補充：
如D80跟機是有支18~135mm鏡，你更不需要配鏡。當然如果你二手買回D80機身，沒有任何鏡頭，就上述情況，你可只用 F60的跟機鏡。再補回 AF-S 18~55mm的標準鏡(由於你買二手機，假設你需考慮經濟狀況)。
2：由於經濟原因，你可配支二手70~300mm AF 鏡，適馬，騰龍或nikon 鏡都可以。同樣可用在F60 及D80相機上。