當我男友sense到我可能知佢劈腿，我應該點反應好？

你知唔知問題喺邊度呀？
係佢唔忠心！你亦忍無可忍！但佢冇諗同你結婚，咁亦証明佢並冇對你有任何承諾，就算佢肯同你結婚，你有冇把握捉住佢同你同偕到老？

三十五歲，係呀，到中女啦，但係仲有好多個十年呀，若然你同一個唔忠心嘅人一齊，莫講佢家財萬貫，就算你跟住佢一世，享盡榮華富貴，但係佢唔係得你一個，你可唔可以忍受？若然再咁落去，有一日，佢立意要你走，即係唔返唻，冷落你，迫你自己出聲走，又或者佢同你講我哋唔可以喺埋一齊，再或者佢自己離家出走，咁你點呢？

你唔係細啦，係，一個女人始終都要有個歸宿，但係同樣男人都係要個歸宿，唔係邊個同佢一齊生活呀？但係唔係就係諗對方有家底，有背景，個樣年紀襯倒你，就唔諗佢人品，執意要再繼續落去，你係比個機會佢去蝦你，唔係比機會自己有個辛福家庭．

人都會老嘅，個個老咗都係差唔多架啦，錢可以儲番唻，唔通你冇得食，冇得著，冇得住？唔通就為咗表面風光，內裏淒涼咁生活？咁你唔係偉大，唔係此情不移，你係扺受唔倒物質同外表嘅影響咋！

一個人，若然佢只有外表，冇心肝，冇良心，咁日後你點同佢生活呀？

謝賢當年唔係風流倜儻，夠賺倒錢啦卦，又識得玩，口齒又風趣，咁又點呢？人生短短幾十年，咁又話咁快一世，今日你見倒嘅謝賢，仲會唔會迷到你暈得一陣陣？同佢一齊嘅女人何其多，但係佢又有冇在意佢哋呀，又係結咗婚都離，最後連仔女都生埋，都係離婚收場，咁你明白一件事嗎？外表識氹女同賺錢能力唔會一世呀？

鄭少秋又咪係瀟洒過人，都係外表潘安啦卦，但係等呀等，終於有名有錢先結婚，最後呢，個心根本唔願被人綁住，又唔係離婚收場．

你有冇勇氣做佢最後的女人，忍到有日佢肯娶你？或者一日佢要同你分離？有冇想過件事你HANDLE 唔HANDLE倒，你明嗎？

將來就係你一人的決定，你冇人可以怪，連佢嘅性格同行為你都知得咁清楚，咁你仲可以賴邊個？唔通佢有呃你佢唔花心，唔通佢迫你留喺佢身邊？係冇咯！

你好似將你將來幸福賭落賭枱咁，賭吓自己好唔好彩咯，但係落注嘅多數輸嘅，講到呢度，你都明我講咩啦，係唔係仲要等一個你永遠等唔倒嘅人，係唔係將自己嘅時間投資喺佢身上，係唔係冇佢你會死咯？

1. 男友同我同齡，幾高大靚仔，有樓有車，管接管送請我食飯送我禮物-----where to find another so silly dumb ??
2. 我係一個卅五歲中女，樣貌唔突出，冇咩優點--- you understand your weakness, so, tolerance could be the only one outcome, if not, then you would lose him, then ...go back to the no. 1 la....
right?

一於疊埋心水留住佢啦。其就算那次你sense到他打錯給你，他都肯急就章地想哄番你，又叫你扮親熱，你就該當正自己係佢情人照做，咁你自己好過，他心有心愧的話也會識給你補償。當然只有你才知那些狂蜂浪蝶所看中的跟他需要的是那一方面，但我諗他不願跟他們出走表示仍有一些非義務/責任上的東西只有你才能給他帶來滿足，你應該專心在這樣上，從而提昇自己的信心。好好讓你可以握住的他的核心(不是表面的虛榮心)給你帶來安全感吧。