急!!!!!!!!!!中文唔識呀~

一隊隊的鴨子<--主
緩慢地飛向南方<--謂
南方<--賓

翻滾的浪<--主
不停地撞擊在岩石上<--謂
岩石<--賓

一隊隊的<--定
飛向南方<--補
冇狀

翻滾的<--定
擊在岩石上<--謂
冇狀

發問ge 朋友, 你唔明白主謂賓定狀補咩? 不如我簡簡單單解釋下比你聽睇下你明唔明... 其實呢d 野好簡單, 我學個陣聽一次就明左了... 只不過係以前d 老師講得唔清楚先至搞到咁難明...



要講主語, 其實就係一句句子入面作出動作/行為ge 個個人/物, 多數都係一個名詞... 又或者可以咁睇, 主語就係一句句子入面ge 動作啟動者... 例如「我不打死你我不姓李」一句入面, 「我」就係主語, 因為佢係負責下文所有ge 思想/動作ge... 主語係咪好易分呢... 比個難d ge 你睇睇... 「花瓶被小貓摔破了」, 呢句入面邊個係主語呢? 唔係花瓶, 花瓶佢冇做任何動作, 佢係受事者, 佢係比人做左d 動作個個... 所以, 小貓先係主語... 明白點搵主語未?



ok, 搵完主語, 搵謂語先... 點解搵謂語先唔搵賓語先? 因為賓語易搵d... 一句句子入面, 除左主語呢個名詞之外, 其他所有野就係謂語... 可能係幾個字, 可能係一堆字... 例如「學校在正常情況下是不會謬言停課的」一句入面, 學校係主語, 所以謂語就係「在正常情況下是不會謬言停課的」...



而賓語呢, 同主語一樣, 大多數係名詞... 但佢同主語岩岩相反, 主語係發動一個行為ge 人/物, 而賓語就係接受/承受呢個動作/行為ge 人/物... 「我打你」一句中, 你係接受打呢個動作ge 人, 所以你係賓語... 「花貓把瓶子摔壞了」瓶子就係賓語... 但你要記住, 唔係每句句子都一定有賓語... 有d 句子例如「我悲哀, 我寂寞, 我凍...」係無賓語ge, 入面只有主謂結構... 你可能會問: 瓶子被花貓摔壞了, 咁邊個係主語邊個係賓語呢? 記住, 中文文法入面係唔會有被動句式ge... 被動句係英文文法... 你見到書入面寫個d 被XX 被YY, 其實係歐化病句... 除非你係玩文學創作, 如果唔係你自己都盡量唔好用被動句...



講完主謂賓三個易明d ge 野之後, 係時候講下難明d ge 定狀補la... 先講補語... 補語可以係一個形容詞, 亦可以係一個用來形容名詞, 動作, 或者形容詞ge 詞... 係咪好難明呢... 睇埋落去... 有一樣野可以好易分到佢係補語... 如果有一個字詞, 佢係用來修飾前面ge 字詞, 佢就係補語... 比三個例子你... 「他很快」, 「他跑得快」, 「他高得驚人」... 快同驚人都係補語... 第一句, 快係用來修飾前面ge 名詞他; 第二句, 快係用來修飾前面ge 動詞跑; 第三句, 驚人係用來修飾前面ge 形容詞高... 所以呢三個都係補語... 你明白未... 總之後面用來修飾前面個舊野就係補語...



你睇得明補語, 就唔會睇唔明定狀... 定同狀都有個共通點, 佢地係用來形容一d 野ge... 而佢地都係放係前面, 修飾後面ge 野... 即係所謂ge 偏正結構... 以偏修飾正... 咁定同狀點分呢? 定語係用來修飾後面ge 名詞only... 而狀語係用來修飾後面ge 形容詞或者動詞ge... 明d 未? 睇埋例子... 「鳥兒快樂地飛」呢句入面, 「快樂地」好明顯係用來修飾ga la, 咁佢係定語定係狀語呢? 佢係快樂地飛? 定係快樂地鳥兒呢? 好明顯佢係用來修飾飛呢個動作... 所以佢係狀語... 「努力上游」中ge 努力用來修飾游呢個動作... 所以都係狀語... 「死人」, 「壞蛋」, 「午夜兇靈」入面, 死, 壞, 午夜都係用來修飾後面ge 名詞ge, 所以呢d 都係定語... 其實有個仲易d ge 方法去認出定定語... 第一, 佢係放係前面用來修飾後面ge 名詞ge; 第二, 你可以係個定語同後面ge 名詞中間加個「的」字, 而佢係通順ge... 例如死人變做死的人, 壞蛋變做壞的強, 午夜兇靈變做午夜的兇靈... 全部ok, 所以係定語...



明晒未? 我再簡單d 咁講... 主語係英文入面就係Subject, 謂語係Object... 小學個陣老師話英文句式係Subject + Verb + Object (SVO) 就係咁解... 而賓語係Predicate, 即係除左主語之外ge 所有野... 定語係adjective, 用來修飾後面ge 名詞, 狀語係adverb, 用來修飾後面ge 動/形容詞... 補語就係放係後面用來修飾前面ge 詞...



係中學level, 你地分析句子結構應該只需要分析一句短句, 即係兩個標點符號中間... 你地未需要分析句同句之間ge 關係... 即係只係停留係語素同詞組ge 層面上, 仲未去到複句同從句個層面... 所以唔使驚...