我而家15歲，重讀f2，想退學

以我所知無F3夜校可以讀

當你出黎做野，你要面對既人仲多仲復雜，區區一個訓導，唔好理佢，當佢透明，如果你行得正企得正，佢跟本唔係一個問題，如果佢做D野太過份，報告捭校長知，再唔係報警

你唔應該為左一個人以形響到自己個前途

如果你中學都未畢業就出黎搵野做，通常工時長人工低， 之後你要再進修都好難，因為你跟本都無精神同無時間

中學畢業你先可以搵到比較穩定既寫字樓工，咁到時你就可以報D晚間課程讀，慢慢讀到大學畢業，到你畢業時，你就有學歷又有工作經驗，人工可以3級跳

我有個同事中學畢業就黎我之前既公司做前台接線生，人工＄7500，跟住夜晚去讀工商管理學位課程，佢用左4年去完成呢個2年半既學位課程 （2年半係全職讀，佢PART TIME咁讀，所以用左4年），上個月啱啱畢業，4年工作經驗＋大學學位，佢即刻搵到份人事經理既工，人工＄26000

樓上有人答左唔少我想講o既野, 我只係講多幾句。

讀夜校: 你打算一邊讀, 一邊工作? 奉勸你一句, 你要好有毅力先可以做到。
teen才再現學校: 我唔熟呢d少數特別學校, 樂觀d諗條條大路通羅馬, 唔係無可能。不過, 你亦要有心理準備, 非傳統o既升大學路唔易行--最少無傳統方法o既道路咁清晰。我識人27歲先學abc, 後來做左大學教授, 但箇中之艱辛旁人永遠無法親身感受。

淨系上堂o既學校: 一定唔會有呢類學校, 你做project都要同人交流掛? 人類係群體生活動物, 就算你今日真係讀到一間完全唔需同人交流o既學校, 你遲早都要面對人群, 你避倒幾多? 而家究竟係你訓導老師令你唔想repeat (不過都要視乎佢點令你唔想, 理性? 定純粹針對? 你要自己冷靜地諗下), 定係你人際關係問題? 正如我所講, 邊度都要面對人(交流)