幾年前燒左既碟而家開唔番晒。。可以點算呀

你好：呢個就係以前舊款光碟燒錄機嘅後遺症，由於當時各生產商所出燒碟機質素參差不一導致有D燒錄嘅光碟經過一段時間閒置之後就會發生類似的狀況，當然有些係同空白光碟片質素不佳有關；所以根據以往經驗我會建議版主你去搵一台舊D嘅光碟機來接駁到電腦睇吓能否正常讀取（如果搵唔到可到九龍深水埗新黃金電腦商場購買一台二手舊光碟機來試用，一般只需幾十元就有交易。）

2010-09-06 12:43:10 補充：
非常同意樓下嘅意見，真係要碰吓你嘅運氣。至於點樣避免當然係購買比較有口碑同有牌子嘅空白光碟始終比較穩陣。不過個人有另一見解，可以預見不遠嘅未來好快就會淘汰光碟機，甚至將來只可以喺嗰D電視DVD播放機先可以見到光碟機，假如真係需要作為儲存之用建議版主可以考慮使用外置硬碟來作為儲存媒體可能會更加實在。

可以嘗試用兩個方法，一，在另一部DVD機看看能否讀到，二，用ISOBuster Pro試試（同樣最好試多幾部DVD），救DVD資料來說，ISO Buster已經算是最好的一個，遇到Bad Sector，它會問你進一步指示（救得多少便多少），而且亦有很多讀碟setting的微調，如果連IB都不能讀到，那你的碟可救到的機會便很微了。

要避免再發生這個問題，最好的方法當然是用不同的品牌DVD多做一至兩份backup.

一般平價之光碟，由於成本之問題，大多會將價就貨，所使用之塗層及染料品質非常一般，無法經歷時間之洗禮，如不幸選用此類光碟作為記錄之用，就會發生你所遇到之情形，嚴格來講是無法解決，因其記錄層已產生變化，但無辦法之辦法為有使用不同品牌之光碟機(其他電腦)試試你之運氣。