天水圍5P準強姦犯葉文琛,古迪文之打口供一問.

1. 打案中案 (voir dire, 簡稱 vd) 通常係被告要求將某d証據, 例如: 警戒下嘅招認、錄影會面等剔除, 不准呈堂. 通常理由係警方屈打成招等. vd唔關事主 (受害人)事, 所以打 vd係唔需要事主出庭嘅. 而事實上, 呢單案嘅 vd中, 事主並無出庭俾口供. 只係涉案差人、D1、 D2、 D1老母、D1女友有俾口供 (D3無俾). 庭上並有播放D1、 D2、 D3嘅錄影口供, 無播放事主嘅錄影口供.2. 有. 所以先要打 vd.3. 三個被告都有打 vd. D1同D2傳召咗佢哋老母同D1女友做証人, 話差人掌摑佢. 講到天花龍鳳, 潘奶奶唔信佢.4. 打 vd係無陪審團嘅.註: 佢哋打輸咗 vd, 潘奶奶 (潘敏琦法官) 特别話如果佢哋而家認罪, 可特別考慮俾足1/3折扣 (通常打完vd先認罪, 係唔可以得到足 1/3折扣嘅. 但因事主年紀細, 所以潘奶奶格外開恩. 而第二日開庭, 準備選豬乸 (jurors 陪審員), D3就舉手認罪. 案件押後到下午, 等控方可以改文件. 到下午, D2亦舉手認罪. 剩番D1唔認罪. D1、D2及D3仍俾擔保, 過咗weekend開審. D2及D3在星期一開庭時正式被判有罪, 還押, 等D1審完一齊判刑.