急問... 信用卡海外簽賬優惠... 邊間優惠最好最多 ..

我好鐘意儲飛行里數架,如果現時海外簽賬最優惠既應該係富邦信用咭,海外簽賬(1.85%手續費) ：HK $1 = 4積分 / HK $3 = 12 積分 (1里數)

每間銀行收既海外簽賬手續費有所不同,詳情可瀏覽以下網址啊~
http://hk.myblog.yahoo.com/asiamiles-lovelovelings/article?mid=59

一般信用卡都會收海外簽賬手續費. Visa 一般收 1.75%, Master 係 1.95%, AE 就唔清楚, 但一定比 Visa 及 Master 高, 而且歐洲地方, 都係前兩者較為方便.唔同銀行為左吸引客戶係海外用卡, 都會有唔同既優惠. 減少手續費係其中一種. 曾經問過工銀同創興既信用卡可以做到 1.5% 手續費... 但我自己覺得相差 0.5% 並唔係太多. 你簽 10000 蚊, 相差只係 50 蚊港幣. 匯率升少少已經係返度... 相比起, 我覺得幾倍積分的吸引力更大...我自己本身用緊 DXS 的信用卡, 佢係做緊 3 倍海外簽賬積分同埋 90 天還款期... 要儲分換到機票係好長既路, 就用換 COUPON 黎計... 只要簽約 8500 蚊港幣, 就可以換到 100 蚊既 COUPON, 計落條數都算抵啦...

市面上另外有 D 卡, 如果你出新卡既, 係推廣期內去海外簽賬, 仲可以做到 4 蚊換 1 ASIA MILES... 如果冇記錯, 應該係國泰既 AE... 但係香港, AE 真係冇咩用, 咁樣冇咩理由出一張卡用十幾日既...我唔清楚其他銀行既 PROMOTION, 睇下其他網友幫唔幫到你啦...