求電腦高手，個HARDDISK死左無反應

你好：你要清楚列明確實情況係點？開機有冇畫面？係開機完全冇野出？有冇「嗶」一聲？如果有畫面開機時候偵唔偵察到個HDD？如果有顯示到個Harddisk而只係唔能夠入到個Windows咁可能只係個開機磁區壞咗，HDD入面D野可以攞得番；假如係開機Check唔到個HDD咁就麻煩D，有可能接駁線鬆咗（可以試吓熄咗機打開機箱，重新接駁或者按實D硬碟嘅數據傳輸線同電源線），或者底板瓜咗（開機乜燈都唔著也有可能火牛燒咗），以上呢D可能發生嘅狀況都需要一一Check過至知係邊度出咗毛病，你可以試吓自己細心睇吓或者搵識得電腦嘅朋友幫吓你，最後如果係其他原因而個HDD並冇死到，你可以將佢拆咗出黎攞到其他電腦再將裡面嘅野Backup出黎咁就得喇。

2010-09-05 00:17:28 補充：
咁未必一定係HDD嘅問題，有可能電腦D卡鬆咗，例如記憶體、顯示卡（如果係用獨立顯示卡）用耐咗老化（接觸金屬插腳氧化）接觸不良都有可能，你可以試吓熄咗機打開機箱，拔出D記憶體清潔吓再重新插過，如果係使用獨立顯示卡都係咁做，順便用軟毛牙刷掃一掃每條插槽嘅灰塵同埋清潔吓機箱裡面所有散熱風扇，然後重新安裝好再開機睇吓會唔會正常番？如果你覺得自己做唔黎咁可以搵識得嘅朋友幫吓你整都得。

2010-09-05 00:21:34 補充：
至於點睇有冇顯示你嘅HDD，你可以開機時按住「Del」鍵進入主機板嘅BIOS SETUP裡面就有得睇，或者開機時在未出現Windows圖像之前按「Pause」鍵就可以暫停個畫面俾你慢慢睇有冇你HDD嘅資訊？

2010-09-06 02:00:56 補充：
如果冇反應話要換左裡面張卡之類咁就好麻煩喇，呢個並唔係換裡面張卡而係換成塊電路板，希望你硬碟機械部份冇壞到只係電子部份有事咁你既資料仲有希望攞得番出黎。

　　建議你用回答者 003 的方法，將硬盤拆出，用 USB 讀取有關的資料。如何你在關上關下的測試，你的硬盤壞得更嚴重，就算用 USB 也 Detect 不到。

係咁你隻hd要換，但入面資料應該冇受影響，你可以買個外置硬碟盒，將你隻hd裝入，插人地部機嘅usb，檢查能否讀取檔案，可以就用dvd碟去backup番。

You can use SATA to USB CABLE

將harddisk插去第二部機, 當external harddisk

copy 番d data

看點死法, 要檢查過才知點救返D data.