I-Phone 同翻版 I-Phone 有咩分別？

2010-09-04 3:58 am

I-Phone 同翻版 I-Phone 有咩分別？
大家外型一樣，但後可以睇埋電視，有電子書，免費 Wi-Fi，唔駛上台，雙咭雙待隻藍芽。但前者我聽啲同事講 download 乜Ｘ嘢"鴨屎"都要俾錢！點解仲咁多人用？同樣都係上網啫，點解唔用部平啲(7/8舊水就有)0既嚟上？要買部４千幾蚊0既嚟上？大家外型一樣，同樣都有得上網，加上人哋仲有雙咭雙藍芽添，仲有 MP3 MP4 GPS，點解價錢差咁遠？

更新1:

梗係唔係啦！我兩年半前買咗部翻版 Sharp 機，個螢幕可以９０度轉向嗰隻，家陣都未壞，我不知幾想佢壞，咁我可以買過部翻版 I-Phone 4。而且翻版 I-Phone 無論係３定係４，佢哋都有一年保養，幾舊水玩一年貨仔，都 OK 啦！一年後又有新款出啦！同埋我都唔明點解咁多香港人都唔知手機可以睇電視？呢種咁既玩意４／５年前已經有啦！仲有人問係用邊個台？駛唔駛俾錢？咁鬼 OUT！

更新2:

回應 Lee 的答案，翻版 I-Phone ４都一樣有收音機，有兩舊電，唔係冇得換！鴨屎的部份，我啲同事講，download 要三幾百蚊，唔係你所講0既ＨＫ８蚊雞。但始終我都覺得唔值0既係，上台月費要４００幾蚊，先至係無限上網，但通話分鐘我都用唔哂！咪 Side 哂！加上我用電腦上網都係用 Wi-Fi，我覺得速度ＯＫ吖！唔算慢，唯一慢係個ＶＩＳＴＡ慢啫。再加上我以前用生滋電話，我都唔用視象！另外邊個話冇得加記憶咭，人哋部機最大支援３２ＧＢ T-Flash。最後除咗遊戲之外，有啲咩鴨屎？因為我從來唔打機！用電腦都只係用電郵同雅虎知識搵生意，連面書我都好少上。

更新3:

仲有所有回應者，唔該你哋先去百家匯或鴨療街睇咗啲翻版 I-Phone 4，了解咗人哋有咩功能，同蘋果 I-Phone 4 的分別再回應！唔該！唔好一回應就踩人哋啲機！

更新4:

回應李子佳的答案：１）你所謂電容式同電阻式係乜東東？唔明你講乜！但家陣大部份大陸機都有一個好似叫 RMV 功能，係用嚟睇高清片。我亦唔排除正版畫面質素係靚啲，但差嗰少少亦唔駛貴成幾千蚊？２＆４）翻版機雖然只有３００萬像素，但５００萬像素影出嚟啲相，你可以接受嗎？影相或拍短片當然係用數碼相機啦！一部一千萬像素0既相機，都係７舊水左右，都唔駛幾千蚊吖？３）咁舊正版電池亦唔駛幾千蚊卦？我又唔覺得隔４／５日電話充一次電有咩咁唔方便？再唔係，我咪買舊正版電池裝落部翻版 I-Phone 度都一樣啫！５）你所謂 Wi-Fi 視像，同生滋電話嗰啲視像電話係咪一樣？但如果用視像電話，又係要計分鐘。

更新5:

６）ＨＳＤＰＡ／ＨＳＤＡ／ＨＳＵＰＡ　三樣嘢有咩分別？我用手提電腦喺圖書館上網(Wi-Fi 制式)，我都覺得速度幾快吖！點解一定要用３.５Ｇ？上星期四我睇到地鐵都市日報嗰本雜誌話華衛出咗隻手指，一插入部電腦度就可以將 HSDPA 轉化為 Wi-Fi 上網，唔駛上台！係咪咁荀？７）作業系統只不過係 load 機用啫，唔同作業系統又有咩關係啫？８）啲人成日都話有啲鴨屎下載，但除咗遊戲外，仲有咩下戴？都冇人答我？咁我睇番啲 MS Office 資料得唔得？９＆１０）我上星期用咗４舊水買咗部翻版 I-Phone 3，佢個平台都有股市同地圖都有啦！１１）旋轉看圖有咩用啫？１２）唔明你講乜？

更新6:

１３）我都唔鐘意打機，對我嚟講都冇用！

回答 (4)

[匿名]

2010-09-04 6:03 pm

這裏可以幫到你
http://yahiwnaia.vip.hostadm.cn/yahoo.com.hk/hk/auction/178987536

👍 0 👎 0

港男

2010-09-04 2:27 pm

除了外型外，完全是兩樣野
單靠文字，很難講清
如果你用過iphone，再同山寨機比較，在操控性上已經完全唔同，強一兩成的順手程度值不值得用多幾倍的價錢去買，也是見仁見智。
apps也是同樣道理，你買部機淨系看書聽歌上網，其實用咩機都沒分別。
以充飢的角度看，在大家樂食鐵板牛扒同扒房食是沒有太大分別的。

2010-09-06 21:05:24 補充：
一個現象：
未用過iphone的人，求其去舖頭摸幾分鐘iphone，可能覺得沒啥了不起。情緒會很穩定。
用開iphone的人，盡系響山寨機做下開鎖動作，再劃幾下，就會產生強烈的厭惡感，並堅定了iphone是世界上最好的機器的信念。
結論：未用過iphone的人是幸福的。

我個人也欣賞iphone，但我需要一部可以長開7小時以上的及能換電池的機，就放棄了，對理智的用家來說，電話不需要最好，只需要最適合。你覺得山寨機最適合你，享受就是了，大家的出發點不同，何必同處男爭論性經驗？

2010-09-06 21:11:51 補充：
已經贊助你兩分，你不要隨便移除問題，這是起碼的禮儀，希望你尊重大家付出的時間精力。

👍 0 👎 0

Lee

2010-09-04 6:33 am

(1)翻版iphone除左個樣似iphone外，根本係第二樣野，你只以硬件比較意義不大，即係話，我送部藍光碟機畀你，部機的解像度/顏色等等比我部dvd勁，但係你得一隻試碟片，咁你有乜用??
(2)iphone硬件上其實除左個multi-touch mon外，好多野都好弱，個眼仔到4G先得5MP，又冇收音機(大部份機都有)，又冇得加memory card，連電都冇得換。咁佢勁在邊??點解咁貴都有人買??就係個OS好用，有新意，比以前nokia/blackbarry等用十字控制好得多，到依家部部都學，samsung等都分分推出類似機種(大mon,touch control)，但係差個OS就差天共地，apple就叻在好快創造左一個appstore，大部份人係唔多識裝呢樣果樣，佢就集中一個store，你禁下禁下揀自己要用的，合大部份人用就掂曬。
Download appz要畀錢，冇錯，但唔畀錢都大把多free app，就算畀錢，大部份都係USD0.99，即係八蚊都唔使，你去機舖都唔止，其實好抵。從未試過買軟件咁平。另一樣佢另在開放個平台，你有興趣都可以免費下載個開發軟件，寫完可以佢幫你賣，好多時賣軟件另人好苦惱，點搵買家??依家佢幫埋呢o的人，買賣都易，令到佢o的appz豐富到不得了，其他的平台(包括你講的山寨版)基本上只有幾個內置軟件，就算搵人狂寫都係有限數。
簡單的講，你想玩iphone的軟件，四、五千都要畀，你可以日後下載所有iphone野。如果山寨機內置軟件已經滿足你的需求，咁就買部平野，不過下載新野等就冇份。

👍 0 👎 0

[匿名]

2010-09-04 4:13 am

當然翻版 I-Phone 勁好多但要考慮安全問題
同翻版 I-Phone 好易報消最快用幾日就玩完任你幾勁都冇用啦錢都蝕埋

2010-09-03 20:15:12 補充：
，點解價錢差咁遠係因為材料品質同埋有冇經測試過．．．都會影響價格

👍 0 👎 0

收錄日期: 2021-04-25 23:58:38
原文連結 [永久失效]:
https://hk.answers.yahoo.com/question/index?qid=20100903000051KK01166

檢視 Wayback Machine 備份