相關律師費問題 (贏/輸)

1. 其實要睇埋佢屬邊間律師行, 同埋佢在果個律師嘅職級. 事務律師要實習2年, 所以一個10年經驗的事務律師其實只係 “掛牌” 咗8年. 8年實在唔係好耐, 在大律師行佢可能只係律師 / 高級律師. 但在細行, 甚至佢自己開檔, 佢可能已經係拍乸 (合顆人). 如果間律師行係國際大行 (eg. baker & mckenzie), 咁一個10年經驗的事務律師可能收費每小時$3000 - $4000. 如果間律師行係本地普通律師行, 咁一個10年經驗的事務律師可能收費每小時$2000 - $2500.2. 無. 律師一般會根據經驗話俾個客聽單案大約幾多錢. 個客俾得起就落訂去馬. 但律師係無收費上限嘅. 做幾多嘢, 計幾多錢.3. 係4. 個客一樣要俾錢. 佢認為輸官司係因律師疏忽, 可以去律師會投訴佢. 如果証實係個律師疏忽, 又或者個客認為佢亂收費, 佢可向高院聆案官申請 tax (訟裁)佢律師費.

2010-09-03 12:56:08 補充：
助訟 (Champerty) 是非法協助他人打官司. 包攬訴訟 (Maintenance) 是助訟中較嚴重中的一種, 因涉及在官司勝訴後攤分利益.
助訟及包攬訴訟是 '普通法' 的刑事行為. 在英國雖已廢除, 但香港仍適用. 助訟者以非慈善目的, 非法資助訴訟, 影響他人權益, 一經定罪, 可處監禁7年.

2010-09-03 13:03:57 補充：
“違反專業操守 (professional misconduct)” 係好大件事. 律師只報每小時單價, 而沒有同客人講成單野要大約用幾多錢, 似 minor negligence 多 d, 亦唔會係 “令到客人輸官司” 嘅 valid reason, 因為客人係消費者, 律師唔講佢都應該問吓大約幾多錢. 例如有人去 Amigo食晚飯 (佢哋出名貴同餐牌係無價錢嘅), 餐牌無價錢佢都應該問幾多錢, 唔可以話食完超出預算而唔找數嘛…

1.一般大若收費HKD3,000元一小時計, 視乎律師本身的經驗及律師樓的規模大小;
2.律師公會沒有嚴格的規定. 每個案件的發展或所需要處理的文件時間都可能有異. 因此在委託律師前最好查詢上限的預算.
3.香港的律師制度主要是根據英國, 包擔訴訟是觸犯刑法的! 也避免了律師選擇案件. 因此, 按時間收費是不論勝訴與否, 理論上收費都一樣!
4.理論上律師費一樣要支付, 不過如果對收費有爭議可以向高等法院要求訟費的判決; 或另外起訴因律師的疏忽Negligence(需要由原告舉證: a duty of care; breach of that duty; plaintiff has suffered damage)要求賠償. 最重要能否舉證證明律師的疏忽與原告的損失有直接的關係.

希望以上的意見幫到你!