我忍得好痛苦啦,我頂唔順呢個禁無用既自己!

既然有緣入得黎,希望各位可以比下意見我!

我係—個十六歲既女仔,

我既性格都算係幾自閉兼有D孤僻,

但係識落我D人就覺得我幾搞笑同幾好傾,

只可惜我既真心朋友都係得幾個,

仲唔係同我一班嫁tim,

所以我係我班顯得成日無野講...

經常都比人忽略左,

有時有D離譜到同班同學都會唔記得左我個名,

無論老師同同學都係...

我有主動嘗試過同D同學傾過計...

但係佢地都係一句起兩句止,好似唔多想理我禁..

我真係好灰好灰...

另外,我發覺平時同我好好傾既老友最近同我變得無咩野話題,

而且佢地成日圍埋一堆傾我無興趣既話題或者佢地果班既野,

搞到我完全搭唔上嘴,

佢地只係間唔中同我傾一兩句,

而家連我本來最老友既朋友都唔係幾彩我,

我仲可以點?唉...

我本來都以為無友情都仲有親情同愛情,

點知原來我真係乜都無,

我十六歲女連一次真真正正既拖都未拍過,

我身邊D人個個都拍緊拖啦...

我自問個樣都叫正常,

照道理應該唔會真係差到無人追嫁...

完全無人問津...

更加唔使諗我心上人會看上我啦!

其實我都有試過爭取,

但係次次都係失敗,

所以我心灰意冷了...

我真係好想好想係我唔開心果陣比自己既愛人攬到實,

不過我好清楚無可能,因為心水已清...

番到屋企又成日家嘈屋閉,

老豆老母成日為左D小事就係咁嘈,

同細佬又不和,

係學校又係禁,係屋企又係禁,

我已經頂唔順啦,無一個途徑可以比我發洩,

真係搞到我癲啦,崩潰啦!

我成日用呢個世界仲有好多人比我更慘黎自我安慰,

但係我到左呢個時候真係想像唔到會有人比我呢個情況更差...

希望各位睇完會用心比D意見我,教我仲可以點做?