有關工傷賠償 .. 比較長左d .. 麻煩哂/口\

本人於7月29日係公司絆倒 ,, 本人係1名美容師..

而事發當日係因為同事貪方便 ,, 將儀器既電線插左係房既出面(正常係插係房入面既電拖板)

而我坐既位置係見唔到條電線 ,, 因為係正我後面 ..
當我要去拎野既時候就俾條電線絆倒 .. 亦都有同事a見到 ..(但見到我絆倒既同事a已經冇做喇..)

我當時其實係好痛 .. 而行路都有d痛 .. 但因為當事有客做緊 .. 所以都死頂到夜晚放工 ..

因為當日都忙 .. 所以我夜晚先同僱主講我絆倒件事 .. 佢只係叫我果晚好好休息 ..

但第2日我連行路都痛到唔想行 .. 直情係搭的士返
工 ..

同事b佢事發當日休息 .. 唔知咩事 .. 佢就問我隻腳發生咩事 .. 我同佢講返件事既經過 ..

佢就叫我唔好返工 .. 即刻換3睇醫生 .. 佢話我哩d係工傷 .. 有得claim返 .. 唔洗驚哩d野 ..

其實我今年先19歲 .. 我對勞工法例d野唔係好清楚 .. 所以事發當日都冇要求睇醫生 ..

但同事b就同令到我絆倒既同事講我隻腳依家行路都唔方便 .. 叫我即刻睇醫生 ..

本身想叫我係公司附近求其搵間中醫睇 .. 但我就話我想睇返我mammy睇開果間 ..

睇完之後個中醫就話係雙膝關節軟組織損傷 .. 起碼要抖1頭半個月 ..

但佢唔係1次過開1個月病假俾我 .. 佢話要睇返我既康復程度 ..

所以我每次針灸之後醫生都會開4-5日既病假俾我 .. 因為佢話我隻腳起碼要冇痛先可以開工 ..

而僱主果邊 .. 我8月2號果日問過佢會唔會幫我報工傷 .. 佢話1定唔會幫我報 .. 因為報左公司會好麻煩 .. 咩麻煩我就唔清楚 .. 佢話私底下傾 ..

但都因為咁 .. 我8月3號自己去左勞工處報 .. 因為我daddy話私底下傾冇保障 ..

而我僱主當晚問哂保險各方 .. 佢地話我哩個唔算工傷 ..

話因為我整親當日冇即時睇醫生同埋仲行得走得做得野 .. 但當時我僱主仲未知我報左工傷 ..

而過左幾日 .. 勞工處都send左信俾我僱主話我報左工傷 .. 咁佢當時都好好咁幫我將病假紙拎過去整 ..

但到左琴日我打去勞工處果個職業醫學組到預約時間判傷既時候 .. 佢話我個case已經暫停左 ..

因為我僱主早幾日話我個工傷根本唔係工傷 .. 話有疑點 .. 佢話佢會寄信俾勞工處解釋到底係咩事 ..

我就想問下各位 .. 點解我僱主死都唔承認我係工傷 .. 其實係咪佢冇買勞保先咁驚要賠錢?

點解報左工傷之後過左3個星期先話我個工傷有疑點?

我已經1個月冇返工 .. 係因為我雙腳成日都隱隱作痛 .. 而個中醫都話我雙腳起碼要冇痛先可以返工 ..

但我僱主可以奇怪既係點解咁耐都未好返 .. 但我真係答唔到佢 ..

我雙腳依家1落雨就會有d風濕既症狀出現 .. 哩d算唔算係後遺症?
如果真係要打官司 .. 我想搵法援既話要幾時搵?
同埋勝算高唔高?
麻煩哂幫我解答既人 ..