S90 第一廉同步 / 第二廉同步 / 閃燈曝光鎖

第一廉同步又叫前廉,即係快門一打開閃光燈就閃.餘下時間快門會繼續打開吸收現場光. 第二廉同步又叫後廉,次序同前廉相反,即係快門先打開吸收現場光.在曝光完結前一刻閃燈才閃,閃完曝光隨即完成.至於點應用視乎你想有甚麼效果,快門快時其實冇乜分別,主要分別係長時間曝光及拍攝移動物體時.例如有架車在你面前經過,用第一廉的話,車被閃燈影咗之後車頭燈仍會在畫面上畫出光軌,所以最終相片係有架車在車頭燈位置發出死光咁.用第二廉的話車就會最後一刻才被拍攝到.變咗死光就會穿透咗車身.雖然第一廉或第二廉對固定物體冇影響,但好多人影夜景人像時喜歡用第二廉,因為用第一廉的話被拍者好容易誤會閃燈閃完就等於拍完而走開,令拍攝失敗. 用第二廉的話閃完就真係影完.行開都冇問題.不過其實一樣會有未閃前郁咗既問題,所以溝通最重要.閃燈曝光鎖係用來固定閃燈輸出的.現代閃燈都好先進.會先預閃一次睇下反射翻來既光線強弱如何再決定真正拍攝時既輸出量.非常方便唔駛計餐死.但由於相機係用反射式測光.物體反光程度唔同就會搞到閃燈輸出都唔同.例如影淺色物件相機會以為好光而影暗咗,影深色物件又會搞錯影到爆晒光.閃燈曝光鎖的作用就係你要用同一光圈,iso拍攝大量同一距離物件時,只要試啱一次,之後鎖死個輸出,咁就唔怕因測光問題搞到又光又暗.