當局者迷....她是否真的愛我？

我同佢拍左年半拖，大家都二十幾歲，本身打算過一兩年後同佢結婚，我地感情一路都維持得ok，很小鬧交，佢不凐不酒不愛溥，絕對係一個斯文既女仔，拍左拖年半，基本去娛樂既消費都係我支付，佢唔係買咩都要你比錢果隻，其實我覺得無所謂，因為我份工有萬五，佢得7千個月！
問題...近呢兩個月我因為身體問題，無番工，所以無左收入，就呢兩個月無收入，加上有d私人原因要用不小錢，我而家既錢都用得7788啦！我無直接同佢傾過錢呢個問題，因為我唔知點開口好，但我有暗示過我既財務狀況同間接講過幾次，但佢每次聽完就算，好似我無講過咁！列如有次諗住後日佢放假去唱k，到左唱k前一日我話因為有茂件事要用我淨番d錢，想減小消費所以唔去唱k，佢話好丫，唔唱k做第二d活動都無所謂嫁！有一次係我失業期間，佢同我講，如果我地可以搬出梨一齊住就好啦，佢意思係得我同佢，我本身係同屋人住，我話你覺得我而家負擔得起咩？佢話唔係講而家，講你有番野做之後..如果我係佢，我起碼會話我會同你一齊負擔嫁嘛！
呢兩個月同以前一樣去娛樂既消費都係我支付..我平均每個星期都會去接佢一次收工，之後行街食飯..佢每星期放假我地都會出街..但因為我而家失業同所淨無幾...我開始有種害怕同佢出街同接佢放工既感覺！我覺得佢成日都係好想我去接佢收工，放假可以同佢去行街...講真次次出街既消費佢都無支付過，佢當然想成日都可以同我一齊啦我覺得，所以我真係好想知道，佢究竟係真心愛我定只係因為我可以滿足到佢平時活動既消費所以佢先咁想成日同我一齊...
其實我只係想係失業同無錢既時候女朋友可以分擔下出街既消費ja..咁諗會唔會太過無用丫我？