我真係蠢到無人有..

內容有少少長..如果大家得閒無聊可以睇下..

我同男朋友一齊左半年幾.開始果陣原來佢同佢ex(稱a女)仲未分開.仲同居.佢同我講會盡快同a女講清楚同埋叫佢搬走.我當然叫佢搞清楚d關係先同我一齊.

第二晚佢就叫埋我上佢屋企(2:00am左右).當面同a女講清楚.我覺得d劇情真係好似拍戲..
首先a女係房訓緊覺.男友就拍醒佢.點知拍唔醒.我同佢就訓左係廳沙發.
跟住a女醒左出左廳見到呢個狀況.就開始發癲.
好大聲咁問我係邊個黎.之後就開始拳打腳踢.男友就叫我返入佢房回避下.
a女就沖左入廚房拎刀.我唔知佢想自殺/殺男友.因為睇唔到 但聽到有刀聲
佢地對峙左幾分鍾.男友終於搶返把刀.叫個女仔冷靜下.由於個女仔太激動.所以就叫我出門口等佢.
我出門口之際個女仔打左我一巴.男友擋都擋唔住.但我覺得呢一巴我應該要受.因為比著我係個女仔.我都可能會發癲.

經過呢件事之後.a女係呢半年黎都有keep住搵我男友同sd sms比佢.成日好似借d野要佢幫手出黎咁.
我開頭都無為意.因為係呢段其間我地相處得好開心.幸福到令我相信呢個世界真係有真愛咁.
只係間中都會鬧下交呷下醋咁.直到我地鬧過三次分手.
我以為係我問題.所以我係鬧交第2日朝早就上左佢屋企諗住氹返佢(我有佢屋企鎖匙但無房門鎖匙)
我上到去佢房門鎖左.我就拍門叫佢開門啦.佢唔開.跟住我就聽到入面有女人聲.
原來個女人就係a女.
佢用電話隔住道門同我講.話唔想再見到我.唔該你放返低我條鎖匙就走.總之講左好多好難聽既說話.
我果陣仲未識死心.我好想佢返返黎我身邊.佢就叫我比d時間佢諗.
可能係報應..依家變左我係果個a女..
但係我我唔想無左佢.我係呢1個星期盡力對佢好.煮飯執屋.希望佢會回心轉意.但無論我做咩野佢都無動於衷..
將近佢生日.係我第1個同佢過既生日.我諗左好多野點樣同佢慶祝.果晚風大雨大.佢話放工之後就打比我.
點知佢無打比我.我由一點等到佢夜晚九點..最後我打比佢先知原來佢同成班fd唱緊k
我問可唔可以過黎搵你.佢就話唔方便.唔想.不如我地算啦.

同一時間,我阿媽就迫我讀一年毅進.我就唔想讀.其實我唔想讀既原因都係因為男友,佢話想我快d出黎做野儲錢一齊住.
所以我同左我阿媽反面.我衝左出街..果陣勁大風大雨..我只係帶左把縮骨姐係個袋度.
但係我都唔想拎.我係條街度淋雨.係度喊.我真係想死左佢就算.
我個心好掛住男友.但係另一方面又同阿媽嘈交.我真係唔知點揀.
我再打多個電話比男友.我話不如我係屋企等你.佢就話你中意啦.
之後我由十點等到佢三點.
佢一返到黎一句野都無同我講.就攤左係張床度訓.我忍唔住睇佢電話.
見到個a女d sms大概係話有左bb.我真係切低咁失望.我對呢個男人死哂心..
我擺低哂佢送比我既頸鍊鎖匙等等既野.我醒覺,,阿媽係呢幾個鐘打左幾十個電話比我我都無聽到.我返到屋企同阿媽講對唔住.我知錯..

第二朝我就跟左阿媽就去左報毅進..男友朝早起身就打黎問我係邊.
開頭我都無聽電話.但佢係咁打黎.我就鬧佢叫佢唔好再搵我.我對你死哂心
我做返佢呢2個星期對我既態度.說話咁鬧佢.
佢又做返我既角色..喊哂咁.話唔可以無左我.等等啦
我搞到哂學校d野.點知佢黎左我屋企樓下等我.
咁我迫於無奈同佢傾下之間既問題.我又用返佢果招.話比d時間我
佢係呢段時間對我勁好.但我都係無感覺.

我都唔明點解我地要玩角色扮演...唔可以一刀兩斷.
最後我都係心軟左..開心左2個星期..另一個問題又黎
佢同同居既阿婆鬧交比佢趕左出街.要即刻搬走.佢就搬左入佢老豆度住.粉嶺..
原本同佢相隔幾條街既.依家相隔好遠..少左勁多時間見面
日日返工放工有老豆接送.三餐唔憂.一年後佢就升職加薪
我唔開心.試過同佢講.但佢話依家既努力係為左將來.搞到我又無野好講

我知道同佢之間發生好多事.
我1日都同佢傾唔到15分鍾電話.一星期先見一次面.
我好辛苦好想搵人陪..但又唔可以阻住佢返工-,-

我知道佢係呢邊好開心..開心到可以無左我..
但我唔可以無左佢..今日我傻到係佢公司搵佢..
佢就話我好煩..好討厭..佢心淡..
我真係好hurt.佢追返我果1個星期就當我係寶..玩完我2禮拜就當我係草..
我對呢個世界無哂希望..我想自殺.我拎左把刀諗住割脈..
點知割左一下超痛所以我放棄左-,-..
跟住我上左天台..好想跳落去咩都唔洗煩..坐左係度2粒鍾..
但我最後都忍唔住打多比佢一次..我毫無尊嚴咁求佢唔好離開我..
佢就話唔好用跳樓威脅佢..話我好煩..好小朋友..好唔成熟..
我知道..我話你當可憐我..比d生存希望我..
佢就話 你中意囉 反正你都威脅緊我..我要做野.唔同你講

我係超級無敵蠢.傻.天真..我知..好辛苦..但又抽身唔到..
坐著也是難過..離坐亦痛楚-,-