英國升u問題 gce?

考乜鬼GCE，要考既話唔係等到而家先去考。可以話你知英國不論會考定係高考既程度都係比香港低好多，所以有點同學會考佢。(又唔可以話低好多既…只可以話係低囉。例如﹕香港考獲D就即係相等佢地拎既B。)
若果你堅持要到英國讀書既話，就報讀大學基礎班。
GCE考既野跟香港A-LEVEL是否相同？唔駛問梗係唔相同啦﹗
以Foundation既方法去考大學，能否考到理想大學？唔好意思，我唔清楚。
我只知通常由著名既High School的學生先最大機會考上著名大學。
(即係由私立中學果點學生機會大一點，果點公立中學出嚟既學生一般質素較低…但唔係一定？)
其實你都識講以你既高考成績應該好難被一點好既大學取錄，所以我建議你報讀美國的cc，以這個途徑銜接上一級大學。
事實上，很多學生亦能考上一級大學。所以即使會考不合格的同學仔亦唔代表佢地冇機會讀大學。只要係果2年裡努力去讀書，想考上心儀既大學並唔冇可能。
美國的cc不但學費便宜而且環境優美、寛大、設備完善…總之大學有既野佢都有。(除了學校宿舍外…可能唔係間間都有。)
最重要係佢絶對有認可性，不能跟香港既副學士相比。
只要你是中五畢業生+Ilets 5.50分以上就有資格報讀。假設你冇考Ilets亦接受申請，只是到開學時你必須考個英文試。來決定你要入讀什麼Level既英文班？這個英文班精彩囉，你要不停係咁讀直到學校認為你OK為止…當然每次都有鼓勵就係可以進昇更高層次既英文班啦﹗有些同學讀到差不多畢業為止，其間都好辛苦。因為又要讀英文又要讀你已選定既學科，但冇計英文係相當重要。(英文唔得又點繼續讀下去？所以唯有努力努力。)
另外，除了考入學英文試外，亦需要考數學試。(數學試是不會理會你究竟有冇考過任何既國際英文試？因為個個都要讀。)美國的教育雖然好彈性，但係好着重學生既數學成績。所以如果同學仔本來既數學麻麻地甚至乎差既話，咁就慘啦﹗因為佢必須修讀數學科，數學唔合格都冇機會畢業。
不過由香港去既學生一般都能應付，因為香港既數學一定深過美國及歐洲一帶既程度。
不要睇低入讀cc既同學，雖然入學資格似乎好容易但果2年既生捱並不容易過。要考上一級大學必須平均分考獲GPA3.5分以上甚至乎有些大學要求有4.10分-4.30分，不過最高分是4.0分。(2分合格)
其實入讀cc既學生不一定是會考或高考不理想，有些同學仔有好好既成績架…只係金錢上既問題以及比自己由香港考上當地一級學府較容易，所以就報讀啦﹗
因為每間cc都有跟某些著名大學聯係架，亦即係話佢地必須優先取錄本院既同學仔。(當然亦要睇成績是否合符資格啦？)值得考慮，好過你到英國讀Foundation。
天氣較適應香港同學仔，冇英國咁潮濕亦冇咁凍。(當然美國每個州既天氣都各不同，西岸就較温和…夏天唔太熱、冬天唔太冷。東岸就較寒冷。)
生活適應度亦較英國優，因為乜都有，同學仔通常都會愛上她。
英國就較死柀一點，沒有太多既娛樂。不過亦是升學既好去處，但個人認為英國不太適合你…因為你既目標是進入一級大學並唔係求求其其考上一間。

為何要去英國讀大學呀? 香港之大學都不錯的
你jupas派不到嗎?
你有沒有試過申請non-jupas或self finance degree 呀?