我家姐讀完中四升唔到中五,日日o係屋企

我家姐之前未讀完中二俾人out左出黎，去到第二間勁屎的中學，讀多次中二，即係無左一年光陰。
佢好彩求人俾佢升到中四，但係宜家佢在呢間咁屎的中學升唔到中五，留班都唔俾佢留。
佢搵唔到學校俾佢讀(咁都係正常ge)
佢宜家找到間夜校讀中五，但係呢間夜校入學係非常之容易的事，佢又懶、咩都唔識，等同用錢買張中五證書返黎。
佢成日以為搵錢好容易，但係以佢咁ge人，佢自大、唔認輸，佢做咩都話辛苦。
又懶係以為自己好有美貌，其實我覺得佢係豬，"皮氣"又大，佢又成日覺得人地咩都要就住佢，正宗大食懶。
宜家日日都要對住佢，屋企好細，好窮，黎緊成日放左學都見住佢，佢同佢的關係好差，成日見一定鬧交，甚至打交。我接受唔到呢個改變，我覺得咁樣我好難讀到書，宜家升高中，咁重要，要把握時間讀書升大學架，覺得佢係度要影響我讀書，加上佢好無手尾，開晒D野唔會熄，成日要我睇緊佢，佢又成日係屋企食煙，我返學都唔放心，阿媽阿爸又開工，無人睇佢，我覺得佢唔係度好好多。