人緣差的原因?

究竟點解自己處處都唔受人歡迎呢?
你認為自己 1,口才唔好. 2,反應慢. 3,唔夠細心.
你咁講都無錯,口甜舌滑的說話容易令人開心,反應敏捷可以接到人地話題中心,做事細心無咁容易撞板,呢d都係受人歡迎的原因,如果自己留意慢慢改善點都好d!
但有時性格上好多野係天生的,唔係咁容易隨時可以令自己變得口才好反應快又細心的呀!
而且你又唔係希望做到點樣人見人愛,只係唔想比人憎,唔想比人睇唔起而已,所以我認為你最重要係知道自己點解令人討厭的原因先!
你會否時時為了希望討人歡喜而做出不適當的事或者說出不適合的說話呢?
知否有時在不適合的時候太遷就人,甚至於有時扮小丑引人笑都會令人討厭的呀?
你講就算無端端對人好,無端端送錢俾人都唔會當你係朋友!
你無講錯,咁人地一係怕你有乜企圖,一係當你係傻仔啦,你話係嗎?
我認為你之所以不受歡迎,令人討厭就係因為你太委屈自己而刻意去遷就人,去模仿人,去討好人!
每個人都有自己獨特的個性,你自己都一定有比別人優秀的特長,你不要因為自己無人反應咁快,無人咁識講野而自卑,而對自己無信心,如果你自己都睇唔起自己,自己都唔接受自己,又點要求人地接受你呢?
我覺得你其實人品好好,無理由無人喜歡你的,主要係你樣樣太遷就人,變成一隻毫無主見搖尾乞憐的哈巴狗一樣,咁就變成人人都想踼你一腳了!
朋友,你都30歲人啦,做人要有自己主見,對人亦要順其自然,自己喜歡食乜,自己喜歡點玩,唔需要跟人尾吖,啱自己話題就加把口,唔啱話題笑下就萛,唔需要委屈自己刻意扮小丑逢迎人地意思呀!
雖然現實社會d人有需要先搵人拉關係做朋友,無利益啋你都傻,如果咁都唔萛係朋友啦,你都唔想要呢d朋友啦!
講左咁多希望你明白做人一定要有自己個性先得人喜歡,對人親切友善有禮貌係無錯,但一定要順其自然,唔需要特別刻意遷就人,同時要對自己有d信心,唔好樣樣跟人尾,咁先可以建立自己的健康形象呀!
立即努力建立自己新的形象啦! 加油! 我支持你!

add me: [email protected]

你所做既人地係唔係一定受?

有時方式錯左, 好會變得更壞.

自己諗諗同檢討一下.


而要改善既3方面, 先提一句:欲速則不達.

有d野係急唔黎, 要有一定耐性同恆心.

關於口才方面, 建議多睇書同寫作, 無論題材係咩都嘗試作一作,

如果時間唔容許, 可以揀某題材以純思考方式分析,

增加聯想能力同思考速度, 自自然然就能提升口才.

至於反應, 多做球類運動可以提升身體反應速度,

而多吸收知識可以增速思考速度, 建議多做邏輯訓練.

做事細唔細心, 只可以靠人地告知.

多由他人觀感出發, 將精神完全抽理自己, 代入他人,

自然就可以發現自己做事唔完美既地方,

簡單一句, 即多為他人設想, 多自我檢討,

做事好, 人緣亦自然轉好.


其實我小學階段既時候都有過類似情況,

所以好清楚了解果種難受.

而以上每字每句都係我個人幾年間既改進方式,

人緣, 口才同讀書成績都有好大進步.

希望幫到你:)

香港人一向好衰嘅 ! ! !

其實你比人憎的reson係你有many都係刻意去做,刻意去做,好容易令人憎你......

順其自然la~

1.口才

口才好唔係一朝一夕的,要好好咁訓練自已

每日讀晒成份報紙(讀出聲),試下學d新聞主播咁,有條理咁說話......

2.反應

反覆訓練特殊動作來訓練反應

一次又一次的起跑，訓練到的，包括專注、反應、手臂支撐力量、腿推蹬力量、提腿前踏、加速力及步頻等等。

3.做事細心

要變得細心，
是需要時間培養。

凢事三思才行，避免衡動，

做事之前要有週詳計劃，

進行期間，要隨時改善應变，

遇上困難，要立即尋求別人幫忙，

事後要檢討，吸取經驗。

遇事三思，寧慢不快，

吸取經驗，不斷改進。

要快速地改,最主要是持之以恆@@加油!!


最後,give你一句,(我自創的)

trust your self and do your best~~

you can do it@@

加油!!!我支持你

hope l can help you~~