養魚高手入!!!!!!!!

你養淡水魚有無落番d粗鹽,如果無d魚會好容易有病,落鹽份量,

每10公升水落粗鹽1匙,食飯盒果隻匙,計算公升方法?

水位計: 長?吋x闊?吋x高?吋÷62=?公升水


1.魚d顏色點解變勁淺?

因為d魚剛剛落魚缸,唔適應你個魚缸d水,如果佢地肯食野,

養1星期左右d魚就會變返深色,如果一直甘淺色,條魚就可能有病。



2.我做錯左d咩,做咩會死?

你買d魚返來時有無將d魚成包放入魚缸,等20-30分鐘先至放d魚落魚缸,

袋裏面既水全部唔要,如果無的話下次做番。

金魚係唔可以同其他魚一齊養,一係全缸都養金魚,一係全缸都養雜魚,

因為金魚身上既細菌同其他魚唔同,你一齊養會造成细菌交叉感染,

缸魚會不停地死魚，直至永遠。


3.清道夫魚唔食魚聞,加咩比佢食?

清道夫食枇杷魚糧,一片片的,賣魚器材用品有得買,大約$30一樽,

每次餵一片,食唔哂就撈番起佢。


你而家可以做d咩去補救?

諗一諗想養金魚,定係雜魚,2選1,決定之後就唔要另外果樣。

而家要加番d粗鹽入魚缸,份量我上面寫左,

跟住養1星期養定缸水先,如果再無死魚之後再打算,希望幫到你啦!

你之魚缸那麼細.又養十多條魚.當然會養死魚啦.以你之魚缸只能養3條金魚.同時不需要一星期換一次水.每2星期換一次水.換水時不需要全部水換.1/4之一水留下來.放自來水下去之前.一定要放入去綠氣之原料.金魚檔有得買.你照說明書做就可以了.同時魚粮不需放那麼多.如果太多魚粮.而魚又食不完.那水就會很容易有病毒.魚當然很容易中毒身亡.清道夫是不需要飬的.祝你能成功飬一缸美麗之金魚.